ކުޑަ ދެ އަންހެން ކުއްޖަކަށް ޖިންސީ ގޯނާކޮށްފައިވާ ކަމަށް ތުހުމަތުކުރެވޭ މައްސަލައެއް ބަލަމުންދާ ކަމަށް ފުލުހުން ހާމަކޮށްފިއެވެ. މިދިޔަ އާދިއްތަ ދުވަހު ރިޕޯޓްކުރި މި މައްސަލައިގެ ތަހުގީގު ފަށާފައިވާއިރު، މައްސަލައާ ގުޅޭ އިތުރު ތަފްސީލެއް ފުލުހުން ހާމައެއް ނުކުރެއެވެ.
މިއާއެކު ދާދިފަހުން މާލެ މަގުމަތިން 24 އަހަރުގެ ދިވެހި އަންހެނަކަށް ޖިންސީ ގޯނާކޮށްފައިވާ މައްސަލައެއް ވެސް ފެންމަތިވެފައިވެއެވެ. ފުލުހުންގެ އެހީތެރިކަން ހޯދި އަންހެން މީހާ އައިޖީއެމް ހޮސްޕިޓަލުން ބެލުމަށްފަހު ޖިންސީ އަނިޔާ ލިބިފައިވާ ކަމަށް ކަށަވަރުކޮށްދީފައިވާ ކަމަށް ފުލުހުން ބުނެއެވެ.
މީގެއިތުރުން މަސްތުވެފައި ހުރެ މަންމައަކު ފިރިހެން ދަރިފުޅަށް ޖިންސީ އަނިޔާ ދިން ކަމަށް ތުހުމަތުކުރެވޭ މައްސަލައެއް ވެސް ދަނީ ތަހުގީގުކުރަމުންނެވެ. މި މަހުގެ 10 ވަނަ ދުވަހު ހައްޔަރުކުރި 50 އަހަރުގެ މި މަންމަ 30 ދުވަހަށް ބަންދުކުރުމަށް ކޯޓުން އަމުރުކޮށްފައިވެއެވެ. މި ހުރިހާ މައްސަލަތަކެއް ވެސް ސީރިއަސް މައްސަލަތަކެއްގެ ގޮތުގައި ބަލަމުންދާ ކަމަށް ފުލުހުން ބުނެއެވެ.
ކޮމެންޓު ފޮނުވާ