ރާއްޖެއަށް ވަގަށް އެތެރެކުރަން އުޅުނު ދެ ކޮންޓޭނަރުގެ ސިނގިރޭޓް ވައްކަން ކުރި މައްސަލައިގައި ފުލުހުން އިތުރު މީހަކު ހައްޔަރުކޮށްފި އެވެ. މި މަހުގެ 12 ވަނަ ދުވަހު ހައްޔަރު ކުރީ ބަންގްލަދޭޝްގެ މުހައްމަދު އަލަމިން މިއާ (36އ) އެވެ. ކޯޓުން ވަނީ އޭނާ ޝަރީއަތް ނިމެންދެން ބަންދުގައި ބެހެއްޓުމަށް އަމުރުކޮށްފަ އެވެ.
މި މައްސަލައިގައި ވައްކަން ރާވައި ހިންގި މީހުންނާއި، އަމަލީ ގޮތުން ބައިވެރިވި މީހުން އަދި ކޮންޓޭނަރު ވަގަށް ގެންދިއުމުގައި ބޭނުންކުރި ދޯނީގައި އުޅުނު މީހުންނާ ހިމެނޭ ގޮތުން މީގެ ކުރިންވެސް ފުލުހުން ބައެއް މީހުން ހައްޔަރުކޮށްފައިވެ އެވެ. މައްސަލައިގައި ބައެއް މީހުން ފުރުން މަނާކޮށްފައިވާއިރު، ތަހުގީގުގެ ތެރެއިން މާލެ، ހުޅުމާލެ އަދި ތިލަފުށީގެ ބައެއް ސަރަހައްދުތައް ބަލައި ފާސްކޮށް، އުޅަނދުތަކެއް ވެސް ބަލައި ފާސްކޮށްފައިވެ އެވެ.
ކޮމެންޓު ފޮނުވާ