ކުޑަ ފިރިހެން ދަރިފުޅަކަށް ޖިންސީ އަދި ޖިސްމާނީ އަނިޔާ ދިނުމުގެ ތުހުމަތުގައި 50 އަހަރުގެ މަންމައެއް ފުލުހުން ހައްޔަރުކޮށްފައިވާ ކަމަށް އެގިއްޖެއެވެ.
މި މައްސަލައިގައި ތުހުމަތުކުރެވެނީ އެ މަންމަ ބަނގުރާ ބޭނުންކޮށްގެން ހުރެ ދަރިފުޅަށް ޖިންސީ އަނިޔާ ދީފައިވާ ކަމުގެ އިތުރުން ޖިސްމާނީ އަނިޔާވެސް ދީފައިވާ ކަމަށެވެ.
މާލެ ސަރަހައްދުގައި ހިނގި މި ހާދިސާގެ މައުލޫމާތު ފުލުހުންނަށް ލިބިފައިވަނީ މިދިޔަ މަހުގެ 28 ވަނަ ދުވަހު ޖެންޑާ މިނިސްޓްރީ މެދުވެރިކޮށް ކަމަށް ފުލުހުން ހާމަކުރެއެވެ. ކޯޓު އަމުރެއްގެ ދަށުން އިއްޔެ ހައްޔަރުކުރި މި އަންހެންމީހާ މިއަދު ކޯޓަށް ހާޒިރުކުރުމުން 30 ދުވަހަށް ބަންދުކުރަން އަމުރުކޮށްފައިވާއިރު، މި މައްސަލަ ގެންދަނީ އިތުރަށް ތަހުގީގު ކުރަމުންނެވެ.
ކޮމެންޓު ފޮނުވާ