ގއ. ވިލިނގިލީގައި މިދިޔަ ހޯމަ ދުވަހުގެ ރޭ ހިނގި ސައިކަލު އެކްސިޑެންޓުގައި ސީރިއަސް އަނިޔާވެ ފަރުވާދެމުން ދިޔަ ޒުވާނަކު މިއަދު މަރުވެއްޖެ އެވެ.
މަރުވި ޒުވާނަކީ ވިކާޝް އަހުމަދު އެވެ. އޭނާ އެކްސިޑެންޓްވީ ސައިކަލުން ދުއްވަމުން ދަނިކޮށް ގެއެއްގެ ފާރުގައި ޖެހިގެންނެވެ. އަނިޔާވެފައި އޮއްވާ ފެނުނީ ރަށުތެރޭގައި ޕެޓްރޯލްކުރަން އުޅުނު ފުލުހުންނަށް އެރޭ މެންދަމު 1:30 ހާއިރު ކަމަށް ފުލުހުންގެ މީޑިއާ އޮފިޝަލަކު ވިދާޅުވި އެވެ.
ވިކާޝް އަށް އިތުރު ފަރުވާއަށް މިދިޔަ އަންގާރަ ދުވަހު މާލެ ގެނެސް އައިޖީއެމްއެޗްގައި އެޑްމިޓްކޮށް ފަރުވާ ދެމުން ދަނިކޮށް މަރުވީ މިއަދުއެވެ. އޭނާގެ ކަށުނަމާދު ކޮށްފައި ވަނީ މިއަދު މެންދުރު ނަމާދަށް ފަހު އާސަހަރާގަ އެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.
ފުލުހުންގެ ތަފާސްހިސާބުތައް ދައްކާ ގޮތުގައި މި އަހަރުގެ އޮކްޓޫބަރު މަހުގެ ނިޔަލަށް 2487 ޓްރެފިކް އެކްސިޑެންޓް ރިޕޯޓުކޮށްފައިވެ އެވެ.
ކޮމެންޓު ފޮނުވާ