މާލެއިން ފަރެސްމާތޮޑާ އަށް މުދާ އުފުލަމުން ދިޔަ ބޯޓެއް ފެލިދޫ ކައިރި ފަރަށް އަރައި، ބޯޓުގެ ބޮޑު ބައި އަޑިއަށް ގޮސްފައިވަ ކަމަށް ފުލުހުން ހާމަކޮށްފި އެވެ.
މި ހާދިސާ ހިނގީ ހުކުރު ދުވަހުގެރޭ ފަތިހު 5:01 ހާއިރު އެވެ. ފަހިރޯޅި ބޯޓުގައި ތިބި 12 މީހުންގެ ތެރޭގައި ހަ ދަތުރުވެރިންނާއި، ބޯޓުގެ ކަބްތާނާއި، ވެރިފަރާތާއި، ހަތަރު ފަޅުވެރިން ހިމެނެ އެވެ. ދަތުރުވެރިންގެ ތެރޭގައި ދިވެހި މީހަކާއި، ފަސް ބިދޭސީން ހިމެނޭ ކަމަށް ފުލުހުން ބުންޏެވެ.
ހާދިސާގައި އެންމެން ސަލާމަތްކޮށް ފެލިދޫ އަށް ގެންގޮސްފައިވާއިރު، ބޯޓު ފަރަށް އަރައި މައްޔާ ފަޅައި ގޮސް، މިހާރު ބޯޓުގެ ބޮޑު ބައި އޮތީ އަޑީގައި ކަމަށް ފުލުހުން މައުލޫމާތު ދީފައިވެއެވެ. މި ހާދިސާ ހިނގި ގޮތް ފުލުހުން ދަނީ ތަހުގީގު ކުރަމުންނެވެ. ނަމަވެސް ހާދިސާއާ ގުޅޭ އެމްއެންޑީއެފްގެ ބަހެއް ލިބިފައި ނުވެއެވެ.
ކޮމެންޓު ފޮނުވާ