ހުޅުމާލޭގެ މަގުތަކުގައި ގަވާއިދާ ހިލާފަށް ޕާކްކޮށްފައި ހުންނަ އުޅަނދުތައް ޓޯކުރުމުގެ މަސައްކަތުގައި ފާއިތުވި 48 ގަޑިއިރުގެ ތެރޭގައި 47 އުޅަނދެއް ޓޯކޮށް 18 މީހަކު ޖޫރިމަނާކޮށްފައިވާ ކަމަށް ފުލުހުން މިއަދު ހާމަކޮށްފި އެވެ.
ފުލުހުން ބުނީ، އާންމު ދަތުރުފަތުރަށާއި ހިނގާބިނގާވުމަށް ދަތިވާގޮތަށް ޕާކްކޮށްފައި ހުންނަ އުޅަނދުތަކާ ދެކޮޅަށް ކުރަމުންދާ މި މަސައްކަތުގައި ޓޯކޮށްފައިވަނީ 46 ސައިކަލާއި އެއް ކާރު ކަމަށެވެ. އޭގެ ތެރެއިން 36 ސައިކަލު ޓޯކުރީ ގަވާއިދާ ހިލާފަށް ޕާކުކޮށްގެން ކަމަށާއި، އަށް ސައިކަލު ޓޯކުރީ ލައިސެންސް ނެތި ދުއްވައިގެން ކަމަށެވެ. ޖޫރިމަނާކުރި 18 އުޅަނދުގެ ތެރޭގައި 16 ސައިކަލާއި ދެ ކާރު ހިމެނެ އެވެ. މީގެކުރިން ފުލުހުން ހާމަކުރި ތަފާސްހިސާބުތަކުން އެނގޭގޮތުގައި މިދިޔަ މަހު އެކަނި 520 އުޅަނދު ޓޯކޮށްފައިވެ އެވެ.
ކޮމެންޓު ފޮނުވާ