އާޓިފިޝަލް ބީޗުގައި މިރޭ ބޭއްވި ޕީޕަލްސް ނޭޝަނަލް ފްރަންޓްގެ ގައުމީ ޖަލްސާގައި، ކުރީގެ ރައީސް އަބްދުﷲ ޔާމީން އަބްދުލްޤައްޔޫމް އެ ޕާޓީގެ ރައީސްކަމަށް އިންތިހާބުވެއްޖެއެވެ. އެ ޕާޓީގެ ދެ ނައިބު ރައީސުންގެ މަގާމަށް އިންތިހާބުވީ ޔާމީން ސަރުކާރުގެ ފުރަތަމަ ނައިބު ރައީސް ޑރ. މުހައްމަދު ޖަމީލު އަހުމަދާއި ރައީސް ޔާމީންގެ ދަރިކަލުން ޒެއިން އަބްދުﷲ ޔާމީނެވެ.
ޕާޓީގެ ކޮންގްރެހުގައި ރައީސާއި ނައިބު ރައީސުން އަދި ސެކްރެޓަރީ ޖެނެރަލްގެ މަގާމަށް އިންތިހާބުކުރަން ޖެހޭ އަދަދަށް ކެންޑިޑޭޓުން ހުށަހެޅުމުން އެ މަގާމުތަކަށް ވޯޓެއް ނުނަގައެވެ. ސެކްރެޓަރީ ޖެނެރަލްކަމަށް މުހައްމަދު މަލީހު ޖަމާލާއި ހަޒާންދާރުކަމަށް އަހުމަދު މުސްތަފާ މުހައްމަދު އަލުން އިންތިހާބުވިއެވެ. އޭގެ އިތުރުން އެސިސްޓަންޓް ހަޒާންދާރުގެ މަގާމަށް 219 ވޯޓާއެކު އަލީ ޝިޔާން ނާޝިދު އިންތިހާބުވެފައިވާއިރު، ޕާޓީގެ ސެނެޓުގެ 14 މަގާމަށް 48 ކެންޑިޑޭޓުންގެ ތެރެއިން އާދަމް އާސިފް، އަހުމަދު ފަޔާޒް، އަބްދުﷲ ސަމަދު، ހަލީމަތު ޒުހައިރާ، އަދި އެހެން މެންބަރުން ވަނީ އިންތިހާބު ވެފައެވެ.
ޕީއެންއެފްގެ ސެނެޓުގެ 14 މަގާމަށް 48 ކެންޑިޑޭޓަކު ވާދަކުރިއެވެ. އޭގެ ތެރެއިން ސެނެޓަށް ހޮވުނު މެންބަރުންނަކީ؛
- އާދަމް އާސިފް (އާސިއްޕެ)
- އަހުމަދު ފަޔާޒް (ޕާޕާ)
- އަބްދުﷲ ސަމަދު (ސަމަދުބެ)
- ޝަރީފާ ސައީދު
- ހަލީމަތު ޒުހައިރާ
- އަލީ ޝާހު
- ނާއިފް ޝައުކަތު
- ފާތިމަތު ރަހުމާ
- މުުހައްމަދު އަބްދުލް ލަތީފް (ލައްޗޭ)
- އަދުލީ އިސްމާއީލް
- އަބްދުﷲ ސަހީލް ޖަލީލު
- މުހައްމަދު މައިޒަރު އާދަމް ޒާހިރު
- ޑރ. އަބްދުﷲ އިބްރާހިމް
- އާއިޝަތު ހަފީޒް
ކޮމެންޓު ފޮނުވާ