ވެލާނާ އިންޓަނޭޝަނަލް އެއާޕޯޓުގައި ބޭންކް އޮފް މޯލްޑިވްސްގެ މުވައްޒަފުންގެ އަތުން 100،000 ޑޮލަރަށްވުރެ ގިނަ ފައިސާ ފޭރުނު މައްސަލައާ ގުޅިގެން ހައްޔަރުކުރި ހަތަރު މީހުންގެ ތަފްސީލު ފުލުހުން ހާމަކޮށްފިއެވެ.
މި މަހުގެ 26 ވަނަ ދުވަހުގެ ރޭ ފަތިހު 4:45 ހާއިރު އެއާޕޯޓްގެ ކުރީގެ ޓާމިނަލްގައި މޫނު ނިވާކޮށްގެން ތިބި ބަޔަކު ބީއެމްއެލްގެ މުވައްޒަފުންގެ އަތުން ބްރީފްކޭސެއް ފޭރި ލޯންޗަކަށް އެރިފައިވާތީ، އެ ލޯންޗު ފުލުހުންގެ ބެލުމުގެ ދަށަށް ގެނެސްފައިވެއެވެ.
މި މައްސަލައިގައި ހައްޔަރުކުރީ ރޭޝަމް / ލ.މާވަށް، މާޒިން މޫސާ (25އ) އާއި މ. ކޯރަސް / މާލެ، އަޙްމަދު ރައިހާން ނަޢީމް (20އ)، އަޅިވިލާގެ / ކ.ގުރައިދޫ، އިބްރާހީމް އަނޫފް (24އ) އަދި އަޅިވިލާގެ / ކ.ގުރައިދޫ، ޙުސައިން ޝަހުދު (30އ) އެވެ. އެ ހަތަރު މީހުން ކޯޓުން ފަސް ދުވަހަށް ބަންދުކުރުމަށް އަމުރުކޮށްފައިވެއެވެ.
ފޭރުނު ފައިސާތައް ހޯދުމުގެ މަސައްކަތް ކުރިއަށްދާއިރު، ތަހުގީގު ކުރިއަށްދާ މިންވަރުން މީޑިއާއަށް މައުލޫމާތު ހާމަކުރަމުން ގެންދާނެ ކަމަށް ފުލުހުން ބުނެފައިވެއެވެ.
ކޮމެންޓު ފޮނުވާ