ރާއްޖޭގެ ބޮޑުބަޔަކަށް ކުރިއަށްއޮތް ސައުވީސް ގަޑިއިރު ވެސް މޫސުން ގޯސްވާނެކަމަށް ލަފާކުރެވޭތީ، ކަނޑުދަތުރުފަތުރުކުރާއިރު ވަރަށް ސަމާލުވުމަށް މޫސުމާބެހޭ ޤައުމީ އިދާރާއިން އިލްތިމާސްކޮށްފިއެވެ.
މިއަދު ހެނދުނު 03:30 އިން މެންދުރު 09:30 އާ ހަމައަށް މުޅިރާއްޖެއަށް ހުދު ސަމާލު ނެރެފައިވާއިރު، އެވަގުތުތަކުގައި ބޯކޮށް ވާރޭވެހި ގުގުރުން އެކަށީގެންވާނެކަމަށް އެ އިދާރާއިން ބުނެއެވެ. ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުވެސް ގަދަވާނެކަމަށް ލަފާކުރެވެއެވެ. ހުޅަނގު މޫސުމުގެ ވިއްސާރައަކަށްވާ މިވަގުތު ބުރާސްފަތި ދުވަހުން ފެށިގެން މޫސުން ރަނގަޅުވާނެކަމަށް ލަފާކުރެވޭނަމަވެސް، މިހާރު ކަނޑުދަތުރުފަތުރު ކުރުމުގައި އިތުރު ސަމާލުކަމެއް ދިނުމަށް ކަމާބެހޭ އިދާރާތަކުން ވަނީ އިލްތިމާސްކޮށްފައެވެ.
ކޮމެންޓު ފޮނުވާ