ކުރިއަށް އޮތް ތިން ދުވަހު އުދައެރުން އެކަށީގެންވާ ކަމަށާއި ވައިބާރުވެ ކަނޑުތައް ގަދަވެ ވިއްސާރަކުރާނެ ކަމަށް މޫސުމާ ބެހޭ ގައުމީ އިދާރާއިން މިއަދު ލަފާކޮށްފިއެވެ.
މިދިޔަ ހަފުތާއިން ފެށިގެން މުޅި ރާއްޖެއަށް ވިއްސާރަކުރަމުން އަންނަ އިރު، މިހާރު ރާއްޖެއަށް ކުރަމުން އަންނަ ހުޅަނގު މޫސުމުގެ ވިއްސާރައިގެ ބާރު ގަދަވެ ދިޔަވަރު ބޮޑުވާ ގަޑިތަކުގައި އުދައިގެ އަސަރުކުރުން އެކަށީގެންވާ ކަމަށް މެޓް އޮފީހުން ބުނެއެވެ. މި މުއްދަތުގައި ވިލާގަނޑުގައި އިތުރަށް ވައިގަދަވުން އެކަށީގެންވާ ކަމަށާއި ޢާންމުކޮށް ކަނޑުތައް ގަދަވެފައި ވިލާގަނޑުގައި އިތުރަށް ގަދަވާނެ ކަމަށް ވެސް ލަފާކޮށްފައިވެއެވެ. މޫސުމާ ބެހޭ އެންމެ ފަހުގެ މައުލޫމާތު އަދާހަމަކުރުމާ އެކު ސަމާލުވުމަށް އެންމެން އަދި ޚާއްސަކޮށް ދަތުރުވެރިންނަށް މެޓް އޮފީހުން އިލްތިމާސްކޮށްފައިވާއިރު، ކޮންމެހެން ކުރަންޖެހޭ ދަތުރެއް ނޫނީ ނުކުރުމަށް ފުލުހުންނާއި ސިފައިން ވެސް ވަނީ އިލްތިމާސްކޮށްފައެވެ. މޫސުން ގޯސްވުމުގެ ސަބަބުން ކަނޑުމަތީގެ ނުރައްކާތެރި ދެ ހާދިސާއެއް މިއަދު ވެސް ހިނގާފައިވާއިރު، މާލެ ދަތުރުކުރި ބޯޓެއް ދިޔަވިއެވެ.
އަދި ރޭ ދަންވަރުގެ ވަގުތެއްގައި ލޭންޑިން ކްރާފްޓެއް ބަންޑުން ޖަހާލައި މީހަކު މަރުވެފައިވާއިރު އެ ހާދިސާގައި ގެއްލުނު ދެ މީހަކު އަދިވެސް ނުފެނެއެވެ.
ކޮމެންޓު ފޮނުވާ