ފަލަސްތީނުގެ ވެސްޓް ބޭންކުގައި ސެޓްލްމަންޓް ފުޅާކުރުމުގެ ޕްލޭނެއް އިސްރާއީލްގެ ބޮޑުވަޒީރު ބެންޖަމިން ނެތަންޔާހޫ ރަސްމީކޮށް ކުރިއަށް ގެންދިއުމަށް ނިންމާ، ފަލަސްތީނުގެ ދައުލަތެއް ދުވަހަކުވެސް ވުޖޫދަކަށް ނާންނާނެކަމަށް އެގައުމުގެ ބޮޑުވަޒީރު ނަތަންޔާހޫ ވިދާޅުވެއްޖެއެވެ. މި ޕްލޭންގެ ސަބަބުން ކުރިއަށް އޮތް ތަނުގައި ފަލަސްޠީން ދައުލަތެއް ޤާއިމުކުރުން ވަރަށް ބޮޑަށް ދަތިވާނެއެވެ.
ހޯމަ ދުވަހު މާލޭ އަދޫމިމްގައި ބޭއްވި ހަފްލާއެއްގައި މި ޕްރޮޖެކްޓް ކުރިއަށް ގެންދިއުމަށް އިސްރާއީލް ލީޑަރު އެއްބަސްވުމެއްގައި ސޮއި ކުރިއެވެ. މާލޭ އަދޫމިމަކީ ޖެރޫސަލަމްގެ އިރުމަތީގައި އޮންނަ އިސްރާއީލް ސެޓްލްމަންޓެކެވެ.
"ފަލަސްޠީން ދައުލަތެއް ނޯންނާނެ ކަމަށް އަޅުގަނޑުމެން ކުރި ވައުދު އަޅުގަނޑުމެން ފުއްދާނަން. މި ތަން މިލްކުވަނީ އަޅުގަނޑުމެންނަށް،" ނެތަންޔާހޫ ވިދާޅުވެފައި ވެއެވެ. "އަޅުގަނޑުމެން މި ސިޓީގެ އާބާދީ ދެގުނަ ކުރާނަން."
ޖެރޫސަލަމްގެ އިރުމަތީގައި 12 ކިލޯމީޓަރު (4.6 މޭލު) ބިމެއްގައި އޮން މި ސެޓްލްމަންޓަށް ކިޔަނީ "އީސްޓް 1″ ނުވަތަ "އީ1″ އެވެ. އިސްރާއީލް ސެޓްލަރުންނަށް 3،400 އާ ގެ ހިމެނޭ މި ޑިވެލޮޕްމަންޓް ޕްލޭންގެ ސަބަބުން ވެސްޓް ބޭންކުގެ ބޮޑު ބައެއް އިރުމަތީ ޖެރޫސަލަމުން ވަކިވެގެން ންދާނެއެވެ. އަދި އެ ސަރަހައްދުގައި އޮންނަ އެތައް ހާސް އިސްރާއީލް ސެޓްލްމަންޓްތައް ގުޅުވާލެވޭނެއެވެ.
އިރުމަތީ ޖެރޫސަލަމަކީ ފަލަސްޠީނުންނަށް ވަރަށް މުހިންމު ތަނެކެވެ. އެއީ އެމީހުން ކުރިއަށް އޮތް ތަނުގައި ޤާއިމުކުރަން ބޭނުންވާ ފަލަސްޠީން ދައުލަތުގެ ވެރިރަށް ކަމުގައި ހަދަން ބޭނުންވާ ތަނެވެ.
1967 ވަނަ އަހަރުން ފެށިގެން ވެސްޓް ބޭންކުގައި އޮންނަ ހުރިހާ އިސްރާއީލް ސެޓްލްމަންޓްތަކަކީ، ބައިނަލްއަޤްވާމީ ޤާނޫނުގެ ދަށުން ޤާނޫނާ ޚިލާފު ތަންތަނެވެ.
އިސްރާއީލުން ދަނީ ޢައްޒާގައި ތިބި ފަލަސްތީނު ރައްޔިތުން އެ ބިމުން ބޭރުކުރުމަށް އެ ސިޓީގައި ބޮޑު ގަތުލުއާންމެއް ހިންގަމުންނެވެ.
ކޮމެންޓު ފޮނުވާ