މަޝްހޫރު މޮޑެލް ކިމް ކާޑޭޝިއަން އަދި ރެޕާ ކަންޔޭ ވެސްޓްގެ ކައިވެނި ނިމުމަކަށްގެނެސްފިއެވެ. ރިޕޯޓުތައް ބުނާގޮތުގައި އެދެމީހުން ވަރިވުމުގެ ކަންތައް ދަނީ ކުރިއަށެވެ.
ކިމް އާއި ކަންޔޭ މިދިޔަ އެއް އަހަރު ތެރޭގައި ދިރިއުޅެފައިވަނީ ވަކިންނެވެ. ކިމްއާއި ކަންޔޭއާއި ގާތް މީހަކު ބުނީ ކިމްއަށް ދެން މި ކައިވެނި ކުރިއަށް ގެނދެވޭނެ އެއްވެސް ގޮތެއް ނެތުމުން ވަރިވަނީ ކަމަށެވެ. ކިމް އާއި ކަންޔޭ ވެސްޓް ކައިވެންޏާ ގުޅޭގޮތުން ކައުންސިލިން ނަގާތާވެސް މިހާރު ދުވަސްކޮޅެއް ވެފައިވާއިރު އެދެމީހުންގެ ވަރީގެ ކަންކަން މިހާރު އޮތީ އެންމެ ފަހުގެ މަރުހަލާގައެވެ.
43 އަހަރުގެ ކަންޔޭ ކާޑޭޝިއަން އާއިލާއާއެކު އަހަރު ފަހުކޮޅުގެ ޗުއްޓީގެ އުފާފާޅުކުރުންތަކުގައި ބައިވެރިވެފައި ނުވާއިރު އާއިލީ އެންމެ ފޮޓޯއެއްގައިވެސް ކަންޔޭ ފެނިގެންގޮސްފައިނުވެއެވެ. ކިމް ބުނިގޮތުގައި ކަންޔޭއަށް ދިމާވެފައިވާ ނަފްސާނީ ކަންކަމާއި ކަންޔޭގެ ހުރިހާ ކަމެއްގައި އެހީތެރިވެދިނަސް ދެން ކެތެއްނުވާނެކަމަށެވެ. އަދި އޭނާ މިހާރު އިސްކަންދޭނީ ހަމައެކަނި އޭނާގެ މުސްތަޤުބަލަށް ކަމަށްވެސް ކިމް ބުންޏެވެ. އެންމެ ފަހުން ކަންޔޭ، ކާޑޭޝިއަން އާއިލާއާ އެކުގައި ފެނިގެން ގޮސްފައިވަނީ ކިމްގެ 40 ވަނަ އުފަންދުވަހުއެވެ.
View this post on Instagram
އެދެމީހުން ވަރި ވެއްޖެނަމަ އެދެމީހުން އިންވެސްޓުކޮށްގެން ހަދާފައިވާ 60 މިލިއަންގެ ހިޑެން ހިލްސް މެންޝަން ކިމްއަށް ދިނުމަށް ކަންޔޭ ގާތުވަނީ އެދިފައެވެ. ސަބަބަކީ އެދެމީހުންގެ 4 ކުދިން އުޅެބޮޑުވާން ބޭނުންވަނީ އެތާގައި ކަމަށްވާތީއެވެ.
ކިމްއާއި ކަންޔޭ ކައިވެނިކޮށްފައިވަނީ 2014 ގައެވެ. އަދި މި ކައިވެންޏަށް 4 ކުދިން ވަނީ ލިބިފައެވެ.
