އއ. ބޮޑުފޮޅުދޫގެ އާ އިންޖީނުގޭގެ ބިންގާ އެޅުމުގެ ރަސްމިއްޔާތު އެރަށުގައި ބާއްވައިފިއެވެ. މި ރަސްމިއްޔާތުގައި ބިންގާ އަޅުއްވައިދެއްވީ ސްޓެލްކޯގެ މެނޭޖިންގ ޑިރެކްޓަރު ހުސައިން ފަހުމީއާއި، ރައްޔިތުންގެ މަޖިލީހުގެ މަތިވެރި ދާއިރާގެ މެންބަރު ހަސަން ޒަރީރު އަދި ބޮޑުފޮޅުދޫ ކައުންސިލްގެ ރައީސް ޝުޖާއު އާދަމްއެވެ.
ސްޓެލްކޯއިން މަޢުލޫމާތު ދެއްވާފައިވާ ގޮތުގައި މިހާރު ބޮޑުފޮޅުދޫގައި ބޭނުންކުރަމުން އަންނަ އިންޖީނުގެ ހުރީ ސްކޫލާ އިންވެގެން ކަމަށާއި، އެކަމުގެ ސަބަބުން އެރަށުގެ ގިނަ ރައްޔިތުން ތަކުލީފު އުފުލަމުންދާކަމަށް ވިދާޅުވިއެވެ.
"މި އިންޖީނުގެ ރިލޮކޭޓްކުރުމަކީ ރަށުގެ ރައްޔިތުންގެ ވަރަށް ބޮޑު އެދުމެއް. އަޅުގަނޑުމެންގެ މަޤްޞަދަކީ ވީހާވެސް އަވަހަކަށް މި މަސައްކަތް ނިންމައި، އޭގެ ފަސޭހަތައް ބޮޑުފޮޅުދޫގެ ލޮބުވެތި ރައްޔިތުންނަށް ފޯރުކޮށްދިނުން" ކަމަށް ސްޓެލްކޯއިން ބުނެފައިވެއެވެ.
އާ އިންޖީނުގޭގެ މަސައްކަތް ކުރިއަށްދާ މިންވަރާ ގުޅޭގޮތުން ނުވަތަ ނިމޭނެ ކަމަށް ލަފާކުރާ ތާރީޚަކާ ގުޅޭގޮތުން ސްޓެލްކޯއިން މިހާތަނަށް އިތުރު މަޢުލޫމާތެއް ހާމަކޮށްފައެއް ނުވެއެވެ.
ކޮމެންޓު ފޮނުވާ