ކުރިއަށް އޮތް އިންތިޚާބުތަކަށް ތައްޔާރުވުމުގެ ގޮތުން އެމްޑީޕީން ފަށާފައިވާ އަތޮޅުތަކުގެ ދަތުރުތަކުގެ ތެރެއިން، ޕާޓީގެ ރައީސް އަބްދުﷲ ޝާހިދުގެ ޓީމް އައްޑޫއަށް ދަތުރުކޮށްފިއެވެ. މި ދަތުރުގައި އެމްޑީޕީގެ އައްޑޫ މަޖިލިސް މެންބަރުން ވެސް ޝާހިދުގެ ޓީމުގައި ބައިވެރިވެފައިވެއެވެ.
އެމްޑީޕީން މަޢުލޫމާތު ދެއްވާފައިވާ ގޮތުގައި މި ދަތުރުތަކަކީ ޕާޓީގެ ހަރަކާތްތައް އިތުރަށް ވަރުގަދަކޮށް، ކުރިއަށް އޮތް އިންތިޚާބުތަކަށް ތައްޔާރުވުމަށްޓަކައި ޕާޓީގެ މެންބަރުންނާ ބައްދަލުކުރުމަށް ކުރެވޭ ދަތުރުތަކެކެވެ. އެގޮތުން ޕާޓީގެ މަސައްކަތްތައް އިތުރަށް ހަރުދަނާކުރުމަށް މަސައްކަތްކުރަމުން ގެންދާކަމަށް ޕާޓީން ބުނެފައިވެއެވެ.
މީގެއިތުރުން، މިއަދު ޕާޓީގެ ޗެއާޕާސަން ފައްޔާޒް އިސްމާޢީލް ވެސް ބޮޑު ޓީމަކާއެކު ށ. އަތޮޅަށް ދަތުރުކުރައްވާފައިވާކަން ފާހަގަކުރެވެއެވެ. އެމްޑީޕީން ކުރިއަށްގެންދާ މި ކެމްޕޭނުގެ ދަށުން، ރާއްޖޭގެ އެކި އަތޮޅުތަކަށް ޕާޓީގެ އިސްވެރިންގެ ދަތުރުތައް ކުރިއަށްދާނެކަމަށް ބެލެވެއެވެ.
