ޑިސްޓްރިބިއުޝަން ނެޓްވޯކުގެ ކޮންމެހެން ކުރަންޖެހޭ މަސައްކަތެއް ސަބަބުން މާދަމާ ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑިދާނެކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނެފައިވާ ގޮތުން، މާދަމާ ހަވީރު 18:00 އިން 18:15 އަށް ހުޅުމާލޭ ފުރަތަމަ ފިޔަވަހީގެ ނެއިބަރހުޑް 1 އަދި 2 އިންނާއި، ދެވަނަ ފިޔަވަހީގެ ހިޔާ ފްލެޓް 9 އަދި 16 އަދި ދިރާގު ސީއެލްއެސް ބިލްޑިންގުން ކަރަންޓުގެ ޚިދުމަތް ކުޑަ ވަގުތުކޮޅަކަށް ކަނޑާލެވޭނެއެވެ.
ސްޓެލްކޯއިން ވަނީ މި ވަގުތުކޮޅުގައި ދިމާވެދާނެ ދަތިތަކަށް މަޢާފަށް އެދި، ރައްޔިތުންނަށް ކެތްތެރިވުމަށް އިލްތިމާސްކޮށްފައެވެ. އަދި މައްސަލަ ޙައްލުވުމުން އިތުރު މަޢުލޫމާތު ހިއްސާކުރާނެ ކަމަށްވެސް ވިދާޅުވެފައިވެއެވެ.
