ރަސްދޫގައި ފިހުނު ދެމަފިރިންނަށް ފަރުވާދެނީ ފިހުމުގެ ހާލަތަށް ޚާއްސަ ޑޮކްޓަރެއްގެ ލަފާގެ މަތިން: އައިޖީއެމްއެޗް

ރަސްދޫގައި ފިހުނު ދެމަފިރިންނަށް ފަރުވާދެނީ ފިހުމުގެ ހާލަތަށް ޚާއްސަ ޑޮކްޓަރެއްގެ ލަފާގެ މަތިން: އައިޖީއެމްއެޗް

ގުޅުންހުރި

މި މަހުގެ 24 ވަނަ ދުވަހުގެ ރޭ އއ. ރަސްދޫގައި ހިނގި އަލިފާނުގެ ހާދިސާގައި ފިހުނު ދެމަފިރިންނަށް ފަރުވާދެނީ ބޭރުގެ ޑޮކްޓަރެއްގެ ލަފާގެ މަތިން ކަމަށް އައިޖީއެމްއެޗުން ބުނެފިއެވެ. އައިޖީއެމްއެޗުން މަޢުލޫމާތު ދެއްވާފައިވާ ގޮތުގައި، މި މަހުގެ 27 ވަނަ ދުވަހު ބަރން ސްޕެޝަލިސްޓެއް ރާއްޖެ ގެނެސް ދެމަފިރިންގެ ޙާލަތު ބެލުމަށްފަހު ލަފާ ދެއްވާފައިވެއެވެ. ކޮންސަލްޓޭޝަނަށްފަހު އަނެއް ދުވަހު އެ ސްޕެޝަލިސްޓް އަނބުރާ އެނބުރި ގޮސްފައިވީނަމަވެސް، ރާއްޖޭގެ ޑޮކްޓަރުންގެ ޓީމުން މިހާރު ފަރުވާ ދެމުން ގެންދަނީ އެ ސްޕެޝަލިސްޓްގެ ލަފާއާ އެއްގޮތްވާ ގޮތުގެ މަތިންނެވެ.

ހޮސްޕިޓަލުން އިތުރަށް މަޢުލޫމާތު ދެއްވާފައިވާ ގޮތުގައި، ދެމަފިރިންގެ ޙާލު އަދިވެސް ވަނީ ސީރިއަސް ޙާލަތެއްގައެވެ. މި އަލިފާނުގެ ހާދިސާ ހިނގާފައިވަނީ އުމުރުން 31 އަހަރުގެ އެ ދެމަފިރިންގެ ގޭގެ ކޮޓަރީގައެވެ. ހާދިސާގައި އަންހެން މީހާގެ ހަށިގަނޑުގެ 83% އަދި ފިރިހެން މީހާގެ ހަށިގަނޑުގެ 78% ވަނީ ފިހިފައެވެ.

ފުލުހުން ވިދާޅުވެފައިވާ ގޮތުގައި، މި ހާދިސާ ހިނގަން މެދުވެރިވި ސަބަބު އަދިވެސް އެއްވެސް ފަރާތަކުން ހާމަ ކޮށްފައެއް ނުވާއިރު، މައްސަލަ ތަޙްޤީޤުކުރުމުގެ މަސައްކަތް ދަނީ ކުރިއަށެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *

ފަހުގެ