ޕޯސްޓު މެދުވެރިކޮށް ރާއްޖެ އެތެރެކުރަން އުޅުނު ކިލޯއެއްހާ މަސްތުވާތަކެތި މޯލްޑިވްސް ކަސްޓަމްސް ސާވިސްއިން އަތުލައިގެންފިއެވެ.
މޯލްޑިވްސް ކަސްޓަމްސް ސާވިސްއިން "އެކްސް" ގައި ކުރި ޕޯސްޓެއްގައި ބުނެފައިވާ ގޮތުގައި، އިއްޔެ އަތުލައިގަތް މިތަކެއްޗަކީ ކެނެބިސް ކަމަށްވާއިރު، އޭގެ ބަރުދަނުގައި 1070 ގްރާމް ހުރިކަމަށް ވެއެވެ.
މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިވާކަން ނުވަތަ ނޫންކަން އަދި އެނގިފައެއް ނުވެއެވެ.
ފާހަގަކޮށްލެވޭ ކަމަކީ ވައިގެ މަގުން ރާއްޖެ އެތެރެކުރަން އުޅޭ މަސްތުވާތަކެތި ދޭތެރެދޭތެރެއިން ކަސްޓަމްސްއިން އަތުލައިގަނެ، އެފަދަ މައުލޫމާތު އާންމުކޮށް ޚިއްސާކުރަމުންދާ ކަމެވެ.
