މަޖީދިއްޔާ ސްކޫލުގެ އައު ޕްރިންސިޕަލްގެ މަޤާމަށް ސެންޓަރ ފޯ ހަޔަރ ސެކަންޑަރީ އެޑިޔުކޭޝަން (ސީއެޗްއެސްއީ) ގެ ޑެޕިއުޓީ ޕްރިންސިޕަލް އަހުމަދު މުޖާހިދު ހަމަޖައްސައިފިއެވެ. މި މަޤާމަށް މުޖާހިދު ހަމަޖެއްސުމަށް ނިންމާފައިވަނީ މަޖީދިއްޔާ ސްކޫލުގެ ކުރީގެ ޕްރިންސިޕަލް އައިޝަތު މުހައްމަދު ދީދީ ރިޓަޔަރ ކުރެއްވުމާ ގުޅިގެން ވަޒީފާއަށް ކުރިމަތިލުމުގެ ފުރުސަތު ހުޅުވާލައި، އެ ފުރުސަތުގެ ދަށުންނެވެ.
ތައުލީމީ ދާއިރާގައި 16 އަހަރަށްވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ މުޖާހިދަކީ ކުރިން ދާންދޫ ސްކޫލުގައި ފިޒިކްސްއާއި ހިސާބު މުދައްރިސެއްގެ ގޮތުގައި މަސައްކަތްކުރައްވާފައިވާ ބޭފުޅެކެވެ. އަދި މީގެއިތުރުން އެމްޑީޕީގެ ސަރުކާރުގައި އެޑިޔުކޭޝަން މިނިސްޓްރީގެ ނައިބު ވަޒީރުކަން ވެސް ކުރައްވާފައިވެއެވެ.
މެލޭޝިޔާގެ އޯޕަން ޔުނިވަރސިޓީން ތައުލީމީ ދާއިރާއިން މާސްޓަރސް ޑިގްރީ ހާސިލުކުރައްވާފައިވާ މުޖާހިދުގެ ތަޖުރިބާގެ ތެރޭގައި އިސްކަންދަރު ސްކޫލުގެ ޑެޕިއުޓީ ޕްރިންސިޕަލްކަމާއި ލީޑިންގ ޓީޗަރުގެ މަޤާމުގެ އިތުރުން މޯލްޑިވްސް ނޭޝަނަލް ޔުނިވަރސިޓީގެ ޕާޓްޓައިމް ލެކްޗަރަރގެ މަޤާމު ހިމެނެއެވެ. މިއަދުން ފެށިގެން މުޖާހިދު ވަނީ މަޖީދިއްޔާ ސްކޫލުގެ ޕްރިންސިޕަލްގެ މަސްއޫލިއްޔަތު އަދާކުރަން ފަށްޓަވާފައެވެ.
ކޮމެންޓު ފޮނުވާ