ރޭގެ ވަގުތެއްގައި މާލޭގެ މާވެޔޮމަގު ސަރަހައްދުން އަންހެން ހެދުން އަޅައިގެން ވައްކަން ކުރަން އުޅުނު ދެ ފިރިހެނަކު ފުލުހުންގެ ބެލުމުގެ ދަށަށް ގެންގޮސްފިއެވެ.
މިގޮތުން ރޭ 02:29 ހާއިރު ފުލުހުންގެ ބެލުމުގެ ދަށަށް ގެންދެވުނު ދެމީހުންނަކީ ގދ.ވާދޫ، ލިލީގޭ މުހައްމަދު ޞަބާހް (46 އަހަރު) އާއި ށ.މިލަންދޫ ސޯސަންގޭ މުހައްމަދު ނައުޝާދު (42 އަހަރު) އެވެ.
ފުލުހުންގެ ބެލުމުގެ ދަށަށް ގެންދެވުނު މި ދެމީހުން ކޯޓަށް ހާޒިރުކުރުމުން، އެމީހުންގެ ބަންދަށް 15 ދުވަސް ޖަހާފައިވާ ކަމަށް ފުލުހުން މަޢުލޫމާތު ދެއެވެ. މި މައްސަލައިގެ ތަހުގީގު ފުލުހުން ދަނީ ކުރިއަށް ގެންދަމުންނެވެ.
ކޮމެންޓު ފޮނުވާ