ސްޓެލްކޯގެ ޓްރާންސްފޯމަރަކުން ވައްކަން ކުރަން އުޅުނު މީހާގެ ވަނަވަރު ހާމަކޮށްފި

ސްޓެލްކޯގެ ޓްރާންސްފޯމަރަކުން ވައްކަން ކުރަން އުޅުނު މީހާގެ ވަނަވަރު ހާމަކޮށްފި

މާފަންނު މަދުރަސާ ސަރަހައްދުގައި ހުރި ސްޓެލްކޯގެ ޓްރާންސްފޯމަރަކުން ރޭގެ ވަގުތެއްގައި ވައްކަން ކުރަން އުޅުނު މީހާގެ ވަނަވަރު ހާމަކޮށްފިއެވެ. ފުލުހުން މައުލޫމާތު ދެމުން ބުނެފައިވަނީ، މި މައްސަލައިގައި ހައްޔަރު ކުރެވުނީ މާލޭ މާފަންނު، ރޫބީ، ހުސައިން ނިޔާޒް (36 އަހަރު) ކަމަށެވެ.

މެންދަމު 2:50 ގައި ސީސީޓީވީ ކެމެރާއިން މި މަންޒަރު ފެނުމާ ގުޅިގެން ސްޓެލްކޯއިން ފުލުހުންނަށް އެންގުމުން އޭނާ ވަނީ ހައްޔަރު ކުރެވިފައެވެ. މި މައްސަލައިގެ ތަހުގީގު މިހާރުވެސް ކުރިއަށްދާ ކަމަށް ފުލުހުން ބުނެއެވެ.

ފަހަކަށް އައިސް ސްޓެލްކޯގެ ޓްރާންސްފޯމަރުތަކަށް ގެއްލުން ދިނުމާއި ވައްކަމުގެ މައްސަލަތައް ވަނީ ވަރަށް ބޮޑަށް އިތުރުވެފައެވެ. މި މަހުގެ 14 ވަނަ ދުވަހު ހުޅުމާލޭގައި ހުރި ޓްރާންސްފޯމަރަކުން ވައްކަންކުރަން އުޅުނު މީހަކު ހުއްޓުވަން އުޅުމުން ސްޓެލްކޯގެ މުވައްޒަފުންތަކަކަށް ހަމަލާދީ މާރާމާރީ ހިންގި މައްސަލައެއްވެސް ވަނީ ރިޕޯޓުކުރެވިފައެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *