ހޮނިހިރު ދުވަހު ދޫކޮށްލެވުނު ފަލަސްޠީނު ބަންދުމީހުންގެ ތެރޭގައި މުޙައްމަދު އަލް-ޠޫސް ހިމެނެއެވެ. އިސްރާއީލުގެ ޖަލުތަކުގައި އެންމެ ދިގު މުއްދަތަކަށް ހުރި ފަލަސްޠީނު ބަންދުމީހާގެ ގޮތުގައި އޭނާ ވަނީ ރެކޯޑު ކުރެވިފައެވެ.
އިސްރާއީލުން ހިފާފައިވާ ވެސްޓް ބޭންކުގެ ބެތްލެހެމް ސިޓީން އައިސްފައިވާ، މިހާރު 69 އަހަރުގެ އަލް-ޠޫސް ވަނީ ގާތްގަނޑަކަށް 40 އަހަރު ވަންދެން ޖަލުގައި ހޭދަކޮށްފައެވެ. އޭނާއަކީ ފަލަސްޠީނުގެ ލީޑަރު، މަރުޙޫމް ޔާސިރު އަރަފާތު އުފެއްދެވި ފަތަޙް ޙަރަކާތުގެ މެންބަރެކެވެ.
އަލް-ޠޫސް ފުރަތަމަ ހައްޔަރުކުރެވުނީ 1985 ވަނަ އަހަރުގައެވެ. އޭނާގެ މައްޗަށް ތުހުމަތުކުރެވުނީ އިސްރާއީލުގެ ލަނޑުދަނޑުތަކަށް ޙަމަލާދިން ކަމަށެވެ. އެ ދުވަހުން ފެށިގެން މިއަދާ ހަމައަށް އޭނާ ހުރީ ބަންދުގައެވެ.
އަލް-ޠޫސްގެ ދަރިފުޅު، ޘާއިރު، އޭނާގެ ބައްޕަ މިނިވަންވި އުފާވެރި ވަގުތާ ގުޅޭގޮތުން އަލްޖަޒީރާ ނޫސްވެރިންނާ ވާހަކަދެއްކިއެވެ.
1985 އިން ފެށިގެން ޖަލުގައި ހުރި، މިހާރު އުމުރުން 69 އަހަރުގެ އަލް-ޠޫސް އަކީ ހަމާސްއިން އެންމެ ފަހުން ދޫކޮށްލި އިސްރާއީލުގެ ހަތަރު ރަހީނުންނާ ބަދަލުގައި ދޫކޮށްލި މީހުންގެ ލިސްޓުގައި ހިމެނޭ މީހެކެވެ.
