ފުލުހުންނާއި ކަސްޓަމްސްގެ މުވައްޒަފުން ހިންގި އޮޕަރޭޝަނެއްގައި ވައިގެ މަގުން ރާއްޖެއަށް މަސްތުވާތަކެތި އެތެރެކުރަން އުޅުނު ޏ. ފުވައްމުލަކު މީހަކު ހައްޔަރުކޮށްފިއެވެ. 39 އަހަރުގެ މި ފިރިހެން މީހާ އަތުން 109 ގްރާމްގެ ހެރޮއިން ފެނިފައިވަނީ އޭނާ ގެނައި ދެ ލަގެޖުގެ އަތްގަނޑުގެ ދަށަށް ވާގޮތަށް އައްސާފައިވާ ކޮތަޅެއްގެ ތެރެއިންނެވެ.
ކަސްޓަމްސްއިން މި ތަކެތި ތަހުލީލުކުރުމުން ހެރޮއިންއަށް ޕޮޒިޓިވްވެފައިވާކަން ކަށަވަރުވިއެވެ. އަދި މީގެއިތުރުން، އޭނާގެ ކުޑަކަމުދާ ތަކެތި ޓެސްޓުކުރުމުން މަސްތުވާތަކެއްޗަށް ޕޮޒިޓިވްވެފައިވާކަން ފުލުހުން ކޯޓުގައި ފާހަގަކުރިއެވެ. މި މައްސަލަ ބެލުމަށް ކްރިމިނަލް ކޯޓަށް ހާޒިރުކުރެވުނު އޭނާ ވަނީ 15 ދުވަހުގެ މުއްދަތަށް ބަންދުކުރުމަށް ކޯޓުން އަމުރުކޮށްފައެވެ.
މި މައްސަލައިގެ ޝައްކުކުރެވޭ މީހާއަކީ މީގެ ކުރިންވެސް މަސްތުވާތަކެތީގެ މައްސަލަތަކުގައި ކުށުގެ ރެކޯޑެއް އޮތް މީހެއްކަން ފާހަގަކުރެވެއެވެ.
