މާލޭ ސިޓީ ކައުންސިލްގެ 2025 ވަނަ އަހަރުގެ ބަޖެޓް ފާސްކޮށްފިއެވެ. ކައުންސިލްގެ 4 ވަނަ ދައުރުގެ 178 ވަނަ ރަސްމީ އާންމު ޖަލްސާގައި ފާސްކުރި މި ބަޖެޓުގެ ޖުމުލަ އަދަދަކީ 50487،225،846 ރުފިޔާއެވެ.
ޖަލްސާގައި ހުށަހެޅުނު ޕްރެޒެންޓޭޝަނެއްގައި 2025 ވަނަ އަހަރު މާލެ ސިޓީ ކައުންސިލަށް ލިބޭނެކަމަށް ލަފާކުރާ އާމްދަނީއާއި ހިނގާނެ ޚަރަދުގެ ތަފްސީލު ހިމެނިފައިވެއެވެ. އަދި ޖަލްސާގައި ވާހަކަފުޅު ދައްކަވަމުން ޑެޕިއުޓީ މޭޔަރު އަޙްމަދު ނަރީޝް ވިދާޅުވި ގޮތުގައި، ކައުންސިލްގެ ބަޖެޓް ފާސްކުރުމުގެ އިތުރުން، މާލޭގައި މިހާރު ބޭނުން ނުކުރާ ވެހިކަލްތައް ކައުންސިލްގައި ހުރިކަން ފާހަގަކުރެއްވިއެވެ. އޭގެ އިތުރުން މި ވެހިކަލްތައް ބޭނުންކުރުމަށް އަމިއްލަ ފަރާތްތަކާއި ކުންފުނިތަކުން ޝައުގުވެރިކަން ފާޅުކުރަމުންދާ ކަމަށާއި، މި ވެހިކަލްތައް ކުއްޔަށް ދިނުމުން ކައުންސިލަށް ރަނގަޅު އާމްދަނީއެއް ލިބޭނެ ކަމަށް ލަފާކުރެވޭ ކަމަށް ނަރީޝް ވިދާޅުވިއެވެ.
