އެމްޑީޕީގެ ވެރިކަމުގައި އޭރުގެ އިދިކޮޅު ޕީޕީއެމްއިން ހިންގި އިންޑިއާ އައުޓު ހަރަކާތަކީ ކުރީގެ ރައީސް ޔާމިން އިސްވެހުރެ ހިންގި ހަރަކާތެއް ކަމަށާއި، ރައީސް ޔާމިންއާއި މިސަރުކާރާ މިހާރު އެއްވެސް ގުޅުމެއް ނެތްކަމުގައި މިސަރުކާރުގެ ޚާރިޖީ ވަޒީރު ޑރ. އަބުދުﷲ ޚަލީލު ވިދާޅުވެއްޖެއެވެ.
ޙަލީލު މިހެން ވިދާޅުވީ އޭނާ މިހާރު އިންޑިއާއަށް ކުރައްވަމުން ގެންދަވާ ރަސްމީ ދަތުރުފުޅުގައި އިންޑިއާގެ 'ވިއޯން' ނޫހަށް ދެއްވި ބަސްދީގަތުމެއްގައެވެ.
މި ބަސްދީަތުމުގައި ޚަލީލު ވިދާޅުވީ ޔާމިން މިހާރު ހުރީ މިސަރުކާރާ ދުރުގައި ކަމަށާއި، އެމަނިކުފާނު އުޅުއްވަނީ އަމިއްލަފުޅު ޕާޓީއެއް އުފައްދަވައިގެން ކަމުގައެވެ. އަދި މިސަރުކާރު ރައީސް ޔާމިންއާއި ދުރަށް ގޮސްފައިވާކަމަށްވެސް ޚަލީލު ވިދާޅުވިއެވެ.
އިންޑިއާ އައުޓް ހަރަކާތަކީ، އަޅުގަނޑުމެންގެ ކުރީގެ ރައީސް، ރައީސް ޔާމީން އިސްކޮށް ހުންނަވައިގެން ކުރިއަށް ގެންދެވި ހަރަކާތެއް. އެމަނިކުފާނު މިހާރު އަޅުގަނޑުމެންނާ ވަނީ މުޅިން ވަކިވެފަ. އަމިއްލަފުޅު ޕާޓީއެއް ހައްދަވައިގެން، އެ ޕާޓީގައި ހުންނެވީ. އަޅުގަނޑުމެން ވާނީ ދުރަށް ގޮސްފަ.
މި ބަދީގަތުމުގައި ޑރ. ޚަލީލު ވިދާޅުވިއެވެ.
ޚަލީލު އިތުރަށް ވިދާޅުވީ އިންޑިއާއެކު އޮތް ގުޅުން ބަދަހިކޮށް، އިންޑިއާ ސަރުކާރާ އަދި އިންޑިއާގެ ރައްޔިތުންނާއެކު އޮތް އޮތް ގުޅުން ކުރިޔަށްވުރެވެސް ވަރުގަދަކުރުމަށް މަސައްކަތް ކުރައްވާނެކަމަށް ރައީސް މުއިއްޒު ތަކުރާރުކޮށް ވިދާޅުވެފައިވާ ކަމުގައެވެ.
މި ބަސްދީގަތުމުގައި ޚަލީލު ވިދާޅުވީ ކުރީގެ ރައީސް ޔާމިންއާއި މިސަރުކާރާ އެއްވެސް ގުޅުމެއް ނެތްކަމަށާއި، އެމަނިކުފާނު މަސައްކަތް ކުރައްވަމުން ގެންދަވަނީ އިދިކޮޅު ފަރާތްތަކާއެކު މިސަރުކާ ދެކޮޅަށް ކަމުގައެވެ.
