މީލާދީ އަހަރު ބަދަލުވުމާ ގުޅިގެން ކުށާއި ދަރަނީގެ ރެކޯޑުތައް ސާފުކޮށްދިނުން ވަގުތީގޮތުން މެދުކަނޑާލެވިފައިވާ ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ބުނެފިއެވެ.
މި ޚިދުމަތް އަލުން ފޯރުކޮށްދޭން ފަށާނީ ސަރުކާރު ބަންދު ނިމި، އޮފީސްތައް ހުޅުވުމުންނެވެ.
ޑީޖޭއޭގެ ބަޔާނުގައި ފާހަގަކޮށްފައިވާ ގޮތުގައި އަންނަ އަހަރުގެ ޖެނުއަރީ މަހުގެ 1 އަދި 2 ވަނަ ދުވަހަކީ ސަރުކާރު ބަންދު ދުވަސްތަކެކެވެ. މީލާދީ އައު އަހަރާ ގުޅިގެން ސަރުކާރުގެ އެހެން އިދާރާތަކާއި ބޭންކުތައް ވެސް ވަނީ ބަންދުކުރެވިފައެވެ. އަދުލު އިންސާފު ގާއިމްކުރުމުގެ ބާރުގެ ދަށުގައިވާ ދައުލަތުގެ އޮފީސްތަކުގެ މާލީ ކަންކަން ހިންގައި ބެލެހެއްޓުމުގެ މައިގަނޑު ޒިންމާ އުފުލާ އިދާރާއަކީ ޑީޖޭއޭ އެވެ.
