ހުޅުމާލެ ދެވަނަ ފިޔަވަހީގައި ނުރައްކާތެރި އެކްސިޑެންޓެއް ހިނގައި ދެ މީހަކަށް އަނިޔާވެއްޖެއެވެ.
ފުލުހުން ބުނީ ނިރޮޅު މަގު، ހިޔާ ފްލެޓު 12 ކައިރިން މަގު ހުރަސްކުރި މީހެއްގެ ގައިގައި ސައިކަލުން ޖެހި އެކްސިޑެންޓު ވެފައިވާ މައްސަލައެއް ފުލުހުންނަށް ރިޕޯޓުކޮށްފައިވަނީ 21:30 ހާއިރު ކަމަށެވެ.
މި އެކްސިޑެންޓުގައި މަގު ހުރަސް ކުރި މީހާއަށާއި ސައިކަލް ދުއްވަން އިން މީހާ އަށް އަނިޔާވެގެން ހޮސްޕިޓަލްގައި ފަރުވާ ހޯދަމުންދާ ކަމަށް ފުލުހުން ބުންޏެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
