މޯލްޑިވްސް މީޑިއާ ކައުންސިލް (އެމްއެމްސީ)ގެ ރައީސްކަމުގެ މަގާމަށް ހުސައިން ސަގީފް އިއްޔެ އިންތިޚާބުވެއްޖެއެވެ. ކައުންސިލްގެ މެންބަރުންގެ މެދުގައި ނެގުނު ވޯޓުގައި މިހާރު ނޫހުގެ ޝަނާއާ ވާދަކޮށް، ސަގީފް އިންތިޚާބުވީ އަށް މެންބަރުންގެ ތާއީދާއެކުއެވެ. ޝަނާއަށް ލިބިފައިވަނީ ހަތް ވޯޓެވެ.
މީޑިއާ ކައުންސިލްގެ އާ ދައުރަށް މެންބަރުން އިންތިޚާބުކުރުމަށްފަހު، ފުރަތަމަ ބޭއްވުނު ވޯޓުލުމުގައި އެއްވެސް ކެންޑިޑޭޓަކަށް އަޣުލަބިއްޔަތު ނުލިބުމާ ގުޅިގެން ރައީސްކަމުގެ މަގާމަށް އަލުން ވޯޓުލާން ޖެހުނެވެ. މި ދެވަނަ ވޯޓުލުމުގައި ސަގީފް ކާމިޔާބު ހޯދިއެވެ.
ކައުންސިލްގެ ނައިބު ރައީސްކަމުގެ މަގާމަށް އަމިއްލަ މެންބަރު އިބްރާހިމް މުޙައްމަދު ވަނީ އިންތިޚާބުވެފައެވެ. މީޑިއާ ކައުންސިލްގައި ހިމެނެނީ މީޑިއާތަކުން އަށް ނޫސްވެރިންނާއި އަމިއްލަ ގޮތުން ހަތް މެންބަރުން ހިމެނޭ ގޮތަށް ޖުމުލަ 15 މެންބަރުންނެވެ. ކައުންސިލްގެ ދައުރަކީ ދެ އަހަރު ދުވަހެވެ.
