ދުންފަތުގެ އިސްތިއުމާލު ކުރުމާ ދެކޮޅަށް އެންމެ ރަނގަޅަށް މަސައްކަތްކުރާ ރަށްތަކަށް ހާއްސަ އިނާމެއް ދިނުމަށް ނިންމައިފިއެވެ.
ހެލްތު މިނިސްޓްރީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމެއްގައި ހެލްތު މިނިސްޓަރު އަބްދުﷲ ނާޒިމް ވިދާޅުވީ، ކައުންސިލްތަކުން އިސްނަގައިގެން ރަށު ފެންވަރުގައާއި އަތޮޅު ފެންވަރުގައި ހިންގާ ދުންފަތް ކޮންޓްރޯލްކުރުމުގެ މަސައްކަތަށް ސަރުކާރުން ނިޒާމުގެ ތެރެއިން އެހީވަމުން ގެންދާނެ ކަމަށެވެ.
"މިކަމުގައި މުޖުތަމައުގައި އިތުރުކުރުމަށް ޓަކައި ކައުންސިލްތަކުން އިސްނަގައިގެން ރަށު ފެންވަރުގައި ހިންގާ ދުންފަތް ކޮންޓްރޯލް ކުރުމުގެ މަސައްކަތަށް ސަރުކާތުން އެހީތެރިވާނެ." ނާޒިމް ވިދާޅުވިއެވެ.
ނާޒިމް ވިދާޅުވި ގޮތުގައި އެންމެ ރަނގަޅު މަސައްކަތްކުރާ ކައުންސިލްތަކަށް އެ އިދާރާގެ ތަރައްގީއަށް ކުރާ މަސައްކަތަކަށް މާލީ އެހީތެރިކަން ފޯރުކޮށްދޭނެއެވެ.
ދުންފަތުގެ އިސްތިއުމާލު ކުރުމަށް އާދަވެފައިވާ ފަރާތްތަކަށް އެކަން ހުއްޓާލުމަށް ބޭނުންވާ އެހީތެރިކަމަށް މުޅި ރާއްޖޭގައި ލިބޭނެހެން ސިޒޭޝަންގެ ހިދުމަތް ގާއިމު ކުރުމަށް ކެބިނެޓުން ރައީސް ޑރ. މުއިއްޒު ވަނީ ނިންމައިފައެވެ.
