މަންމަ އާއި ކޮއްކޮއަށް ވަޅިން ބިރު ދެއްކި މީހަކު މާލެ އިން ހައްޔަރުކޮށްފިއެވެ.
ތޫނު ހަތިޔާރުން ބިރު ދެއްކި މައްސަލައިގައި ހައްޔަރުކުރީ އުމުރުން 32 އަހަރުގެ މީހެކެވެ.
އެމީހާގެ ބަންދާ މެދުގައި ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން އޭނާގެ ބަންދަށް ވަނީ ހަތް ދުވަސް ޖަހައިފައެވެ.
ބަންދު އަމުރުން އެނގޭ ގޮތުގައި މަންމަ އާއި ކޮއްކޮ އަށް ވަޅިން ބިރު ދެއްކީ ފައިސާ ނުދީގެންނެވެ. އޭނާ ދިރިއުޅުނު ކޮޓަރިން ދެ ވަޅި ފެނިފައިވެއެވެ.
އެމީހާ ބަންދަށް ގެންދިޔައީ މުޖުތަމައުގެ ސަލާމަތާއި ރައްކާތެރިކަމަށްޓަކައިއެވެ.
