ހުޅުމާލޭގައި ފުލުހަކަށް ވަޅިން ހަމަލާދޭން އުޅުނު މީހާ ޝަރީއަތް ނިމެންދެން ބަންދު ކުރަން ކޯޓުން އަމުރުކޮށްފިއެވެ.
މި މައްސަލައިގައި ހައްޔަރުކުރީ އދ. ދަނގެތި ލިލީގެ ހުސައިން ފާއިގް 33 އެވެ.
ފުލުހުން ބުނީ އެ މައްސަލައާ ގުޅިގެން ހައްޔަރުކުރި މީހާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ތަހުގީގު މަރުހަލާ ނިމެންދެން ބަންދުކުރުމަށް އަމުރުކޮށްފައިވާ ކަަމަށެވެ.
ފާއިގް އެންމެ ފުރަތަމަ ހަމަލާ ދިނީ އިމާމުވެ ނަމާދުކުރަން ހުރި މުދިމަށެވެ. އިމާމަށް ހަމަލާދޭން އުޅުނު ވަގުތު އެކަން ހުއްޓުވަން މަސައްކަތް ކުރި ފުލުހަކަށް ވެސް ތޫނު އެއްޗެއް ބޭނުންކޮށްގެން އޭނާ ހަމަލާ ދޭން މަސައްކަތް ކުރިއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
