ކ. މާފުށީގައި ޑައިވިނަށް ދިޔަ ފަތުރުވެރިޔަކަށް މިޔަރެއް ހަމަލާދިނުމުގެ ސަބަބުން ޒަހަމްވެއްޖެއެވެ.
އެ ހަމަލާގައި ޒަހަމްވީ ޗައިނާގެ 45 އަހަރުގެ އަންހެނެކެވެ.
ފުލުން ބުނީ ޗައިނާގެ ފަތުރުވެރިޔާ އަށް ޓްރީ ޓޮޕް ހޮސްޕިޓަލްގައި ފަރުވާދެމުން އަންނަ ކަމަށެވެ.
އެމީހާގެ ހާލު ސީރިއަސް ނޫން ކަމަށްވެއެވެ. އެކަމަކު، އަނިޔާވީ ފަތުރުވެރިޔާގެ ކޮން ތަނަކަށް ކަމެއް ސާފެއް ނޫނެވެ.
ރާއްޖޭގެ ކަނޑުގެ އެކި ސަރަހައްދުތަކުގައި މިޔަރު ހަމަލާ ދިނުމުގެ ހާދިސާތައް މިހާރު ވަރަށް ގިނައެވެ. އެމްއެންޑީއެފް ޓްރެއިނިންއެއްގައި އުޅުނު ސިފައިންގެ މީހަކަށް އަމާޒުކޮށް މިޔަރެއް ދިން ހަމަލާއެއްގައި އެމީހާ ވަނީ މަރުވެފައެވެ.
ކޮމެންޓު ފޮނުވާ