ސަރުކާރުގެ މައިގަނޑު އަމާޒަކީ ރައްޔިތުންގެ ފަރާތުގައި ތިބެ، އިންސާފުވެރިކަމާއެކު ހުރިހާ ރައްޔިތުންނަށް ތަނަވަސްކަން ހޯދައިދިނުން ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ މިއަދު ސޯޝަލް މީޑިއާ އެކްސްގައި ކުރެއްވި ޕޯސްޓެއްގައެވެ.
ތަނަވަސްކަން ނެތް ރައްޔިތުންނަށް ފައިދާއެއް ވާން ނޭދޭ ސިޔާސީ ވެރީން ރައްޔިތުންނަށް ވަރަށް ސާފު ވާތަން ކުރިޔަށް އޮތް ތާނގައި އިތުރަށް ފެންނާނެ! މި ސަރުކާރު ކުރިޔަށްދާނީ ރައްޔިތުންގެ ފަޅީގައި އޮވެ ހުރިހާ ރައްޔިތުންނަށް އިންސާފުވެރިކަމާއެކު ތަނަވަސްކަން ހޯދައިދިނުމުގައި!
— Dr Mohamed Muizzu (@MMuizzu) November 14, 2024
ރައީސް މުއިއްޒު އިތުރަށް ފާހަގަކުރެއްވި ގޮތުގައި ނިކަމެތި ރައްޔިތުންނަށް އެއްވެސް މަންފާއެއް ލިބުމަށް ނޭދޭ ސިޔާސީ ލީޑަރުންގެ ޙަޤީޤީ ސިފަ ރައްޔިތުންނަށް އިތުރަށް ހާމަވެގެންދާނެ ކަމަށް ވިދާޅުވިއެވެ. މި ބަސްފުޅުތައް ރައީސް ދެއްކެވީ އިދިކޮޅު ފަރާތްތަކުން ފަތުރަމުންދާ ވާހަކަތަކަށް ރައްދު ދެއްވުމުގެ ގޮތުން ކަމަށް ބެލެވެއެވެ.
ކޮމެންޓު ފޮނުވާ