ދުބާއީގައި ބޭއްވެމުންދާ ޔޫއެންއެފްސީސީސީގެ ކޮޕް29ގެ ތެރޭގައި، ރައީސް ޑރ. މުޙައްމަދު މުޢިއްޒު އ.ދ.ގެ ސެކްރެޓަރީ ޖެނެރަލް އެންޓޯނިއޯ ގުޓާރޭޒްއާ ބައްދަލުކުރެއްވިއެވެ. މި ބައްދަލުވުމުގައި ދެފަރާތުން މައިގަނޑު ގޮތެއްގައި މަޝްވަރާކުރެއްވީ މޫސުމަށް އަންނަ ބަދަލުތަކާ ގުޅިގެން ކުރިމަތިވާ ގޮންޖެހުންތަކާއި، އެކަމަށް ބޭނުންވާ ބައިނަލްއަގުވާމީ އެހީތެރިކަމުގެ މައްޗަށެވެ.
ރައީސް މުޢިއްޒު ވަނީ ސިޑްސްގެ ގައުމުތަކުގެ ހައްގުގައި އ.ދ އިން ކުރަމުންދާ މަސައްކަތްތަކަށް އިޝާރާތްކުރައްވާ، އެކަން ފާހަގަކުރައްވާފައެވެ. އަދި ސެކްރެޓަރީ ޖެނެރަލް ވެސް ވަނީ ސިޑްސްގެ ގައުމުތަކަށް ދިމާވެފައިވާ ގޮންޖެހުންތަކުގެ މުހިއްމުކަން ފާހަގަކުރައްވައި، މިފަދަ ކަންކަމުގައި ބައިނަލްއަގުވާމީ އެހީދޭ އިދާރާތަކުގެ ބައިވެރިވުމުގެ މުހިއްމުކަން ފާހަގަކުރައްވާފައެވެ.
"އިން ސޮލިޑަރިޓީ ފޮ އަ ގްރީން ވޯލްޑް" ގެ ޝިޢާރުގެ ދަށުން ބޭއްވޭ މި ކޮންފަރެންސްގައި ރާއްޖެއިން ދަނީ މޫސުމީ ބަދަލުތަކާއި ވިލުންވެރިކަމުގެ މަސައްކަތްތަކާއި، ދެމެހެއްޓެނިވި ތަރައްޤީގެ ދާއިރާއިން ކުރަމުންދާ މަސައްކަތްތައް ދުނިޔެއާ ހިއްސާކުރަމުންނެވެ. މީގެ އިތުރުން، ތަރައްޤީވަމުން އަންނަ ޖަޒީރާ ކުދި ޤައުމުތަކަށް ދިމާވާ ގޮންޖެހުންތަކަށް ހައްލު ހޯދުމަށް މަގުފަހިކުރުމަށް ވެސް މަސައްކަތްކުރެވެމުންދެއެވެ.
