ވޭލް ޝާކުގެ ދިރާސާއެއް ކުރުމަށް ރާއްޖެއަށް ޒިޔާރަތްކުރަމުންދާ ސިންގަޕޫރުގެ ޓީމެއްގައި ހިމެނޭ 15 އަހަރުގެ ކުއްޖަކު، ސްނޯކްލިންގ އަށް މޫދަށް ފުންމާލި ވަގުތު ދޯނީގެ ބުރަފަތީގައި ޖެހި މަރުވެއްޖެއެވެ.
މި ހާދިސާ ހިނގީި މިއަދު އދ. ދިގުރަށް ކައިރީގައެވެ.
މި ހާދިސާ ހިނގުމާއެކު، އެ ކުއްޖާ ވަގުތުން ދިގުރަށު ސިއްހީ މަރުކަޒަށް ގެންދެވުނު ނަމަވެސް، މަރުކަޒަށް ގެންދެވުނުއިރުވެސް އޭނާ ވަނީ މަރުވެފައެވެ.
މި ހިތާމަވެރި ހާދިސާއާ ގުޅިގެން ފުލުހުން ވަނީ ތަހުގީގު ފަށައިފައި ކަމަށް އެ ފަރާތުން މައުލޫމާތު ދީފައިވެއެވެ.
ކޮމެންޓު ފޮނުވާ