ޖަޕާނު ސަރުކާރުން "އޯޑާ އޮފް ދަ ރައިޒިން ސަން"ގެ ޝަރަފު ފޮރިން މިނިސްޓްރީގެ ކުރީގެ ސްޓޭޓް މިނިސްޓަރު އަހުމަދު ހަލީލަށް އަރުވައިފިއެވެ.
މި ޝަރަފަކީ ހާރިޖީ ދާއިރާގައި 42 އަހަރަށްވުރެ ދިގު މުއްދަތަކަށް ހިދުމަތް ކުރައްވާ، ޖަޕާނާއި ދިވެހިރާއްޖެއާ ދެމެދު އޮތް ގުޅުން ވަރުގަދަ ކުރުމަށް އޭނާ ކުރެއްވި މަސައްކަތުގެ އަގު ވަޒަންކުރުމުގެ ގޮތުން ޖަޕާނުގެ ރަސްގެފާނުގެ ފަރާތުން އަރުވާފައިވާ ޝަރަފެކެވެ.
މި ޝަރަފާ ގުޅިގެން ކުރީގެ ރައީސް އިބްރާހިމް މުހައްމަދު ސޯލިހް ވަނީ "އެކްސް" މެދުވެރިކޮށް ހަލީލަށް މަރުހަބާ ދަންނަވާފައެވެ. ސޯލިހް ފާހަގަކުރެއްވި ގޮތުގައި މިއީ ރާއްޖެއަށް ލިބުނު ފަހުރެއް ކަމަށާއި، ހަލީލަކީ ރާއްޖެއާއި ޖަޕާނާ ދެމެދު އޮތް ގާތް ގުޅުން އިތުރަށް ބަދަހިކުރެއްވުމުގައި އިސް ދައުރެއް އަދާކުރެއްވި ބޭފުޅެއްކަން ފާހަގަކުރެއްވިއެވެ.
Proud day for Maldives as distinguished diplomat and former Minister of State for Foreign Affairs, Mr Ahmed Khaleel has been bestowed the Order of the Rising Sun by the Government of Japan.
State Minister Khaleel is an experienced diplomat who had, among other assignments,… pic.twitter.com/dphVYOJPqw
— Ibrahim Mohamed Solih (@ibusolih) November 6, 2024
އެމްޑީޕީގެ ރައީސް އަދި ކުރީގެ ފޮރިން މިނިސްޓަރު އަބްދުﷲ ޝާހިދުވެސް ވަނީ ހަލީލަށް މަރުހަބާ ދަންނަވާފައެވެ. ޝާހިދު ފާހަގަކުރެއްވި ގޮތުގައި ހަލީލަކީ މި ސަރަހައްދުގެ އެންމެ ތަޖުރިބާކާރު އަދި ހުނަރުވެރി ޑިޕްލޮމެޓުންގެ ތެރޭގައި ހިމެނިވަޑައިގަންނަވާ ބޭފުޅެއްކަމަށާއި، މިދިޔަ ސަރުކާރުގައިވެސް ރާއްޖެއާއި ޖަޕާނާ ދެމެދު އޮތް ގުޅުން އިތުރަށް ބަދަހިކުރުމަށް ބުރަ މަސައްކަތްތަކެއް ކުރައްވާފައިވާކަން ފާހަގަކުރެއްވިއެވެ.
Extremely delighted for former Minister of State for Foreign Affairs His Excellency Ambassador Ahmed Khaleel, who has been conferred The Order of the Rising Sun, Gold and Silver Star by the Emperor of #Japan.
With over 42 years of service, he is one of the most seasoned and… pic.twitter.com/8wCYDlBldc
— Abdulla Shahid (@abdulla_shahid) November 6, 2024
ޖަޕާނު ސަރުކާރުގެ މި މަތިވެރި ޝަރަފުގެ އިތުރުން، މިދިޔަ ސަރުކާރުންވެސް ވަނީ ހަލީލްގެ އަގުހުރި ހިދުމަތްތަކަށް ބައްލަވައި، އެމަނިކުފާނަށް ހާރިޖީ ހިދުމަތުގެ އެންމެ މަތީ ޝަރަފު އަރުވާފައެވެ.
