ފުލުހުން ހިންގި މަސްތުވާތަކެތީގެ ހާއްސަ އޮޕްރޭޝަނެއްގައި ރ. އަތޮޅުން ތިން މީހަކު ހައްޔަރުކޮށްފިއެވެ.
މި މައްސަލައިގައި ހައްޔަރުކުރީ ތ. ތިމަރަފުށި / ސްޓަރ، ޢަބްދުﷲ ޞަލާޙް (35އ) ދ. ހުޅުދެލި / ބްލޫބެލް، ޙަސަން ވަޙީދު (27އ) އަދި ތ. ތިމަރަފުށި / ފާލްސާގެ، އަނޫފް އަޙްމަދު (24އ) އެވެ.
ފުލުހުން ބުނީ ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސް އަދި ތ. އަތޮޅު ފުލުހުން ގުޅިގެން އިއްޔެ ހިންގި މި އޮޕަރޭޝަނުގައި ވޭމަންޑޫގެ ތިން ގެއާއި ތިމަރަފުށީ ހަ ގެއެއް ބަލައި ފާސްކޮށްފައިވެއެވެ. އެ ބަލައިފާސްކުރުމުގެ ތެރެއިން، މަސްތުވާތަކެތި ކަމަށް ބެލެވޭ އެއްޗެއްހުރި 19 ރަބަރު ޕެކެޓާއި މަސްތުވާތަކެތިކަމަށް ބެލެވޭ އެއްޗެއްހުރި ފިލްމު ހުސްކުރި ދަޅެއް ފެނިފައިވާ ކަމަށެވެ.
މި މައްސަލައާ ގުޅިގެން މި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ޢަބްދުﷲ ޞަލާޙް އާއި ޙަސަން ވަޙީދު 10 ދުވަހަށް އަދި އަނޫފް އަޙްމަދު އަށް ދުވަހަށް ބަންދުކުރުމަށް އަމުރުކޮށްފައިވާ ކަމަށް ފުލުހުން ބުނެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
