މީރާގެ އެންމެ ފަހުގެ ތަފާސް ހިސާބުތަކުން ދައްކާގޮތުގައި، މި އަހަރުގެ މިހާތަނަށް މުދަލު ޒަކާތުގެ ގޮތުގައި 82 މިލިއަން ރުފިޔާ ވަނީ ލިބިފައެއެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 12 މިލިއަން ރުފިޔާގެ އިތުރު އަދަދެކެވެ.
ސެޕްޓެމްބަރު މަހުގެ ތަފާސް ހިސާބުތަކަށް ބަލާއިރު، އެ މަހު އެކަނި 8.7 މިލިއަން ރުފިޔާ ޒަކާތުގެ ގޮތުގައި ބަލައިގަނެފައިވެއެވެ. މިއީ މިދިޔަ އަހަރުގެ ސެޕްޓެމްބަރު މަހާ އަޅާބަލާއިރު ފާހަގަކޮށްލެވޭ ވަރުގެ އިތުރުވުމެކެވެ.
ސަބަބަކީ، މިދިޔަ އަހަރުގެ ސެޕްޓެމްބަރު މަހު ޒަކާތުގެ ގޮތުގައި ލިބިފައިވަނީ 2.8 މިލިއަން ރުފިޔާ އެކަނިކަމަށްވާތީއެވެ. މި ތަފާސް ހިސާބުތަކުން ދޭހަވާ ގޮތުގައި، މުދަލު ޒަކާތުގެ ގޮތުގައި ދައުލަތަށް ލިބޭ އާމްދަނީ އިތުރުވަމުން އަންނަކަން ފާހަގަކުރެވެއެވެ.
ކޮމެންޓު ފޮނުވާ