ފިހާރައަކުން ތަކެތި ގަނެ ވަގު ސްލިޕް ފޮނުވި މައްސަލައިގެ ތުހުމަތުގައި މީހަކު ހައްޔަރުކޮށްފިއެވެ.
މި މައްސަލައިގައި ހައްޔަރު ކުރީ އުމުރުން 23 އަހަރުގެ މީހެކެވެ.
އެމީހާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ބަންދަށް ވަނީ 15 ދުވަސް ޖަހައިފައެވެ.
ބަންދު އަމުރުގައި ބުނެފައި ވަނީ އެމީހާ ކުށް ކުރިކަމުގެ ހެއްކާއި ގަރީނާ ހުށަހަޅާފައިވާ ކަމަށެވެ. ނަމަވެސް އޭނާ ވަނީ ކުށަށް އިންކާރުކޮށްފައެވެ.
އޭނާ ބުނެފައި ވަނީ އެ ފިހާރައަށް ދިޔައީ އެކަނި ނޫން ކަމަށާއި ސްލިޕް ފޮނުވީވެސް އޭނާ ނޫން ކަމަށެވެ. ނަމަވެސް އޭނާގެ ފޯނުން ސީނަށް ދިޔަ ފުލުހުންނަށް ފޭކް ސްލިޕް ފެނުނު ކަމަށް ފުލުހުން ބުނެފައިވެއެވެ.
