މާލޭގެ ގެސްޓްހައުސްއެއްގެ ތެރޭގައި މީހަކު ޒަހަމްކޮށްލި މައްސަލައިގައި ދެ މީހަކު ހައްޔަރުކޮށްފިއެވެ.
މާލޭ ހެންވޭރު ގެސްޓްގައުސްއެއްގެ ތެރެއިން ދިވެހި ފިރިހެނަކު ޒަހަމްތަކަކާއެކު ފެނިފައި ވަނީ މި މަހުގެ 9 ގައެވެ. އެމީހާގެ ހާލު އަދިވެސް ސީރިއަސްއިރު، ފަރުވާ ދެނީ އައިޖީއެމްއެޗްގެ އައިސީޔޫގައެވެ. މި މަރާމާރީގައި ޒަހަމްވީ 33 އަހަރުގެ ދިވެހި ފިރިހެނެކެވެ.
ފުލުހުން ބުނީ ގެސްޓްހައުސްއެއްގައި ޒަހަމްތަކާއެކު އޮއްވާ ފެނުނު މީހާއަށް އަނިޔާކޮށް މާރާމާރީ ހިންގި ކަމަށް ތުހުމަތު ދެ މީހަކު ކޯޓު އަމުރެއްގެ ދަށުން އިއްޔެ ހައްޔަރުކޮށްފަައިވާ ކަމަށެވެ. މި ދެ މީހުންގެ ބަންދާއި މެދު ގޮތެއް ނިންމުމަށް މިއަދު ކްރިމިނަލް ކޯޓަށް ހާޒިރު ކުރުމުން ޝަރީއަތް ނިމެންދެން ބަންދު ކުރުމަށް އަމުރުކޮށްފައިވާ ކަމަށް ފުލުހުން ބުންޏެވެ.
މި މައްސަލައިގައި ހައްޔަރުކޮށްފައިވަނީ 23 އަހަރުގެ ދެ ޒުވާނުންނެވެ. އެއީ ކ. ތުލުސްދޫ / ޕެރިސް ފައުޒަން ޒަރީރާއި، މާލޭ މއ. ވޮއްކޮޅުގެ އަހްމަދު މާޒިން އިބްރާހިމެވެ.
ފުލުހުން ގެންދަނީ މި މައްސަލަ ތަހުގީގު ކުރަމުންނެވެ.
