ހުޅުމާލޭގައި ރޭ ދަންވަރު ހިނގި ނުރައްކާތެރި އެކްސިޑެންޓުގައި ނިޔާވި ލ. އިސްދޫ، ބީޗްހައުސް، ހަސަން ސަމާހުގެ ޖަނާޒާ މިރޭ މަޣްރިބް ނަމާދަށްފަހު އާ ސަހަރާ މިސްކިތުގައި ބޭއްވުމަށް ހަމަޖެހިފައިވެއެވެ. އުމުރުން 23 އަހަރުގެ ސަމާހުގެ އާއިލާއިން ވަނީ މި ޖަނާޒާގައި ވީހާވެސް ގިނަ ބަޔަކު ބައިވެރިވުމަށް އެދިފައެވެ.
ސަމާހަކީ މޯލްޑިވްސް ކަރެކްޝަނަލް ސަރވިސްގެ ޕްރިޒަން ލާންސް ކޯޕްރަލެކެވެ. އޭނާ މާފުށި ޖަލުގެ އިމަޖެންސީ ސަޕޯޓް ގްރޫޕުގައި މަސައްކަތްކުރަމުން އައި އިރު، ކަރެކްޝަންގައި ވަޒީފާ އަދާކުރާތާ ތިން އަހަރު ވެފައިވެއެވެ.
ޖަނާޒާގައި ވީހާ ވެސް ގިނަ ބޭފުޅުން ބައިވެރިވެދެއްވުމަކީ ނުހަނު ބޮޑު އެދުމެކެވެ. ދުޢާއަކީ ﷲ ގެ ތަނަވަސް ރަޙުމަތުން ފާފަތައް ފުއްސެވުމެވެ. އަދި، ސުވަރުގޭގެ ތަނަވަސްކަމުގައި ލެހެއްޓެވުމެވެ. ޢާމީން 💔 pic.twitter.com/BAt1fuYmYz
— Mohamed shamaan Luthfee (@mohamed_shamaan) September 6, 2024
އެކްސިޑެންޓް ހިނގިއިރު ސަމާހު އިނީ ސައިކަލް ދުއްވަމުންނެވެ. އޭނާގެ ސައިކަލުގެ ފަހަތުގައި އިން ޒުވާނަކަށްވެސް މި އެކްސިޑެންޓުގައި އަނިޔާވެ، މިވަގުތު ހޮސްޕިޓަލުގައި ފަރުވާދެމުން ގެންދެއެވެ.
ސަމާހު ނިޔާވީ އެކްސިޑެންޓް ވުމާ ގުޅިގެން ހުޅުމާލެ ހޮސްޕިޓަލަށް ގެންގޮސް ފަރުވާދޭން ފެށިތާ ކުޑަ ވަގުތުކޮޅެއްގެ ތެރޭގައެވެ. މި ހާދިސާއާ ގުޅިގެން އެކްސިޑެންޓުގައި ހިމެނޭ ކާރު ދުއްވަން އިން 26 އަހަރުގެ ޒުވާނަކު ވަނީ ހައްޔަރުކޮށްފައެވެ.
ކޮމެންޓު ފޮނުވާ