ވޭތުވެދިޔަ މަހު ޕޮލިހަށް ހުށަހަޅާފައިވާ ޖުމުލަ 1010 މައްސަލައިގެ ތެރެއިން، އެންމެ ގިނައީ ވައްކަމުގެ މައްސަލަތައްކަމަށް ފުލުހުންގެ ތަފާސްހިސާބުތަކުން ދައްކައިފިއެވެ.
**ފާއިތުވި މަހު ހުށަހެޅުނު މައްސަލަތަކުގެ ތަފްސީލު:**
* ވައްކަން – 323 މައްސަލަ
* މަސްތުވާތަކެތި – 131 މައްސަލަ
* ޓްރެފިކް އެކްސިޑެންޓް – 204 މައްސަލަ
* މުދަލަށް ގެއްލުން ދިނުން – 50 މައްސަލަ
* އަނިޔާކުރުން – 53 މައްސަލަ
* ފޭރުން – 46 މައްސަލަ
* ޖިންސީ ގޯނާ – 41 މައްސަލަ
* މަކަރާއި ހީލަތް – 37 މައްސަލަ
* ގެވެށި އަނިޔާ – 31 މައްސަލަ
* އެއްޗެހި ގެއްލުން – 78 މައްސަލަ
* ފޯޖަރީ – 16 މައްސަލަ
ވައްކަމާއި ފޭރުމުގެ މައްސަލަތައް އިތުރުވަމުންދާއިރު، ފުލުހުން މިފަދަ ކުށްތައް ހުއްޓުވުމަށް މަސައްކަތް ކުރަމުންދެއެވެ. އަދި މަހުން މަހަށް ނެރޭ ތަފާސްހިސާބުތަކުން ދައްކާގޮތުގައި، ވައްކަމުގެ މައްސަލަތަކާއި މަސްތުވާތަކެތީގެ މައްސަލަތަކާއި އެކްސިޑެންޓްގެ މައްސަލަތައް ގިނަވަމުން އަންނަކަން ފާހަގަކުރެވެއެވެ.
މީގެއިތުރުން، ސޯޝަލް މީޑިއާ މެދުވެރިކޮށް އޮޅުވާލައިގެން ފައިސާ ހޯދުމުގެ މައްސަލަތައް ވެސް ވަނީ އިތުރުވެފައެވެ.
