މިއަދު ބޭއްވުނު ގައުމީ ދުވަހުގެ ޖަލްސާގައި ދިވެހި ވަންތަކަމާއި ސަގާފަތް ދައްކުވައިދޭ ގިނަ ކަންތައްތަކެއް ހިމެނުނު ކަމަށާއި، އެހެންނަމަވެސް ޖަލްސާއަށް ވަޑައިގެންނެވި ވަރަށް ގިނަ ފިރިހެން ބޭފުޅުން ރައީސް މުއިއްޒުގެ އަނބިކަބަލުން މެޑަމް ސާޖިދާއާއި ސަލާމް ނުކުރެއްވިތަން ފެނުމުން ވަރަށް ދެރަވިކަމަށް ރައީސް މައުމޫން ވިދާޅުވެއްޖެއެވެ.
މިއަދު ބޭއްވުނު ގައުމީ ދުވަހު ޖަލްސާ ފަރުމާކުރެވިގެންދިޔަ ގޮތަށް ތައުރީފްކޮށް މައުމޫން ކުރެއްވި އެކްސް ޕޯސްޓެއްގައި ވިދާޅުވީ ޖަލްސާއަށް ތައުރީފް ކުރެއްވި ނަމަވެސް، މެޑަމް ސާޖިދާއާއި ގިނަ ފިރިހެން ބޭފުޅުން ސަލާމް ނުކުރެއްވުމުން ކަންބޮޑުވުން ފާޅުކުރެއްވި ވަކި ސަބަބެއް ހާމަކުރައްވާފައެއް ނުވެއެވެ.
ރާއްޖޭގަ ބޭއްވޭ މިފަދަ ބައެއް ޖަލްސާތަކުގައި ފިރިހެން ބޭފުޅުންނާއި އަންހެން ބޭފުޅުން ސަލާމް ނުކުރެއްވުމަކީ ބައެއް ފަރާތްތަކުން ގެންގުޅެމުން އަންނަ އާދައެކެވެ.
