ޑްރަގް ކޯޓުން ވައްކަން ކުރި މީހާގެ ބަންދު 15 ދުވަހަށް ކްރިމިނަލް ކޯޓުން އިތުރުކޮށްފިއެވެ.
ފާއިތުވި މަހުގެ 26 ވަނަ ދުވަހުގެ ރޭ ޑްރަގް ކޯޓަށް ވަދެ ވައްކަންކުރި ފަރާތެއް މިދިޔަ ހުކުރު ދުވަހު ހައްޔަރުކުރެވުނު ކަމަށް ފުލުހުން ހާމަކޮށްފައިވެއެވެ. އޭނާގެ ބަންދާމެދު ގޮތެއް ނިންމުމަށްފަހު ކްރިމިނަލް ކޯޓުން ވަނީ 15 ދުވަހުގެ މުއްދަތަށް ބަންދުކުރުމަށް ނިންމާފައެވެ.
މި މަހުގެ 31 ވަނަ ދުވަހު ފެށުނު އޭނާގެ ބަންދު މުއްދަތު ހަމަވާނެ ކަމަށް ކޯޓުން ކަނޑައަޅާފައިވަނީ މި މަހުގެ 15 ވަނަ ދުވަހުއެވެ. ކޯޓުން ބުނެފައިވާ ގޮތުގައި، އޭނާގެ މައްޗަށް ހުށަހެޅިފައިވާ ހެކިތަކަށް ބަލާއިރު، ތުހުމަތުކުރެވޭ ކުށް އޭނާ ކުރިކަމަށް ޤަބޫލުކުރެވޭ މިންވަރަށް ހެކި ޤަރީނާ ލިބިފައިވެއެވެ.
ބަންދާމެދު ގޮތެއް ނިންމުމަށް ބޭއްވުނު މަޖިލީހުގައި، ޑްރަގް ކޯޓުގެ ކުޑަދޮރު ހަލާކުކޮށްލައިގެން ވަދެ ވައްކަންކުރި ކަމަށް މި ފަރާތުން އިޢުތިރާފުވެފައިވެއެވެ. އޭނާއަކީ ސަރުކާރުގެ އިމާރާތްތަކުން ވައްކަންކުރުމުގެ ގިނަ ރެކޯޑުތަކެއް އޮތް މީހެކެވެ.
މި ސަބަބުތަކަށް ރިޢާޔަތްކޮށް، ދިވެހިރާއްޖޭގެ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59 އަދި 60 ވަނަ މާއްދާގެ ދަށުން، ކްރިމިނަލް ކޯޓުން ވަނީ އޭނާ ބަންދުކުރުމަށް ނިންމާފައެވެ.
