އަމިއްލަ ބޭނުމަށް ކުރައްވާ ދަތުރުފުޅުތަކަށް ދައުލަތުން ޚަރަދު ނުކުރައްވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ސަންގު ޓީވީއަށް މިރޭ ދެއްވި އިންޓަވިއުއެއްގައި، ރައީސް ވިދާޅުވީ މުލިއާގޭގެ އުސޫލުތަކުން ބޭސްފަރުވާ ފަދަ އަމިއްލަ ކަންކަމަށް ދަތުރު ކުރެވޭގޮތަށް އޮތްނަމަވެސް، އެފަދަ ޚަރަދެއް ނުކުރައްވާ ކަމަށެވެ. އެމަނިކުފާނު އިތުރަށް ވިދާޅުވީ އެމަނިކުފާނާއި އަނބިކަނބަލުން އަދި ދަރިންގެ އަމިއްލަ ދަތުރުތައް ކުރައްވަނީ އަމިއްލަ ޚަރަދުގައި ކަމަށެވެ.
ރައީސް އަދި ވިދާޅުވީ މުލިއާގެ މަރާމާތު ވަންދެން ދިމްޔާތުގައި ހުންނެވި ދުވަސްވަރުވެސް ހުރިހާ ޚަރަދެއް ކުރެއްވީ އަމިއްލައަށް ކަމަށާއި، އެ ދުވަސްވަރުގެ ޚަރަދުތަކަށް ފަހުން ބިލު ހުށަހަޅައިގެން ފައިސާ ހޯއްދެވި ކަމަށް ބުނާ ވާހަކަތައް ތެދެއް ނޫން ކަމަށެވެ. ރައީސް މުއިއްޒު މިހެން ވިދާޅުވެފައިވަނީ ދެއްވާފައިވަނީ ފަހުން ސިންގަޕޫރަށް ކުރެއްވި ސިއްޙީ ދަތުރާ ގުޅިގެން އެއީ ދައުލަތުގެ ފައިސާއިން ކުރާ ބޭކާރު ޚަރަދެއް ކަމަށް މީސްމީޑިއާގައި ދެކެވުނު ވާހަކަތަކާ ގުޅިގެންނެވެ.
