ނޭޓޯ އެކުވެރިންގެ ފަރާތުން ޔުކްރެއިނަށް ފޮނުވި އެފް-16 ހަނގުރާމަވެރި ޖެޓް މަތިންދާބޯޓުތަކުގެ ތެރެއިން އެއް މަތިންދާބޯޓު ހަލާކުވެއްޖެކަމަށް ޔުކްރެއިނުގެ ސިފައިންގެ މަސްދަރަކުން ބީބީސީއަށް މަޢުލޫމާތު ދީފިއެވެ.
ހޯމަ ދުވަހު ރަޝިޔާގެ މިސައިލްތަކުގެ ހަމަލާތަކުގެ ތެރޭގައި މި މަތިންދާބޯޓު ވައްޓައިލެވި، ޕައިލެޓް އޮލެކްސީ މެސް މަރުވެއްޖެކަމަށް ޔުކްރެއިނުގެ ސިފައިން ބުނެފައިވެއެވެ. މި މަހުގެ ކުރީކޮޅު މި މަތިންދާބޯޓުތައް ފޯރުކޮށްދިނުމަށްފަހު މިއީ ފުރަތަމަ ފަހަރަށް މިފަދަ ގެއްލުމެއް ލިބުނު ފުރަތަމަ ފަހަރެވެ..
މަތިންދާބޯޓު ވެއްޓުނީ ސީދާ ދުޝްމަނުންގެ މިސައިލް ހަމަލާއެއްގެ ސަބަބުން ނޫންކަމަށް ޔުކްރެއިނުގެ ސިފައިން ބުނެފައިވެއެވެ.
ރަޝިޔާއިން މިހާތަނަށް ދިން އެންމެ ބޮޑު ވައިގެ ހަމަލާގައި ޕައިލެޓް ތިން ކްރޫޒް މިސައިލާއި އެއް ޑްރޯން ހަލާކުކުރިކަމަށް ސިފައިން ބުނެފައިވެއެވެ. "އޮލެކްސީ ވަނީ ޔުކްރެއިނުގެ ރައްޔިތުން ރަޝިޔާގެ މިސައިލްތަކުން ސަލާމަތް ކޮށްފައެވެ" ޔުކްރެއިނުގެ އެއަރ ފޯސްއިން ސޯޝަލް މީޑިއާގައި ބަޔާނެއްގައި ބުނެފައިވެއެވެ.
"އެކަމަކު އޭނާގެ އަމިއްލަ ފުރާނައިގެ އަގުންނެވެ."
މި ބަޔާނުގައި ވެއްޓުނީ ކޮން ބާވަތެއްގެ މަތިންދާބޯޓެއްކަން ބަޔާންކޮށްފައި ނުވިނަމަވެސް، ސިފައިންގެ މަސްދަރަކުން ބީބީސީއަށް މަޢުލޫމާތު ދިންގޮތުގައި ޕައިލެޓް ދުއްވަމުންދިޔައީ އެފް-16 އެކެވެ.
ޔުކްރެއިނުގެ ރައީސް ވޮލޮޑިމިރ ޒެލެންސްކީ އަންގާރަ ދުވަހު ރަސްމީކޮށް ކަށަވަރުކޮށްދީފައިވަނީ އެމެރިކާގައި އުފެއްދި އެފް-16 މަތިންދާބޯޓުތައް ރަޝިޔާގެ ޑްރޯނުތަކާއި މިސައިލްތައް ވައްޓާލުމަށް ބޭނުންކުރަމުންދާކަމެވެ.
2023 ވަނަ އަހަރުގެ އޯގަސްޓު މަހު އެމެރިކާގެ ރައީސް ޖޯ ބައިޑެންގެ އެދުމަށް އޫރަޕުގެ އެކުވެރި ޤައުމުތަކަށް ޔުކްރެއިނަށް އެފް-16 މަތިންދާބޯޓުތައް ފޮނުވުމުގެ ހުއްދަ ދިނުމަށްފަހު ގާތްގަނޑަކަށް 65 އެފް-16 މަތިންދާބޯޓު ނޭޓޯ ޤައުމުތަކުން ފޯރުކޮށްދޭނެކަމަށް ވަނީ ވަޢުދުވެފައެވެ.
