ސަރުކާރާ ދެކޮޅު ޚަބަރު ގެނެސްދޭ 5 ނޫހަކާ ދެކޮޅަށް 74 ޝަކުވާއެއް މީޑިއާ ކައުންސިލަށް ހުށަހަޅާފައިވާކަން މީޑިއާ ކައުންސިލުން ހާމަކޮށްފިއެވެ.
މީޑިއާ ކައުންސިލުން އާންމު ކޮށްފައިވާ ތަފާސް ހިސާބުތަކަށް ބަލާއިރު، މި 5 ނޫހުގެ ތެރެއިން އެންމެ ގިނަ ޝަކުވާ ހުށަހަޅާފައިވަނީ، ފުޅާ ދާއިރާއެއްގައި ސަރުކާރާ ދެކޮޅަށް ޚަބަރު ގެނެސްދެމުންދާ ދިޔަވަރު ނޫހާއި ގުޅޭގޮތުންނެވެ. މީޑިއާ ކައުންސިލުން އާންމުކޮށްފައިވާ ތަފާސް ހިސާބުތަކަށް ބަލާއިރު، އެނޫހާއި ދެކޮޅަށް 56 ޝަކުވާއެއް މީޑިއާ ކައުންސިލަށް ހުށަހަޅާފައި ވެއެވެ.
އޭގެ އިތުރުން ދެން އެންމެ ގިނަ ޝަކުވާ ހުށަހަޅާފައިވަނީ ދުންމާރި ނަމަކަށް ކިޔާ އޮންލައިން ނޫހަކާއި ގުޅޭގޮތުންނެވެ. އަދި ދޮންއަމާ ނަމަކަށް ކިޔާ ނޫހަކާއި ގުޅޭ 4 ޝަކުވާއެއް ހުށަހަޅާފައިވާއިރު، ޗެނަލް13 އަދި ކުރުސީ.ކޮމް އާއި ދެކޮޅަށް ކޮންމެ އޮންލައިންއަކާއި ގުޅޭގޮތުން 3 ޝަކުވާއެއް ހުށަހަޅާފައި ވެއެވެ.
The Maldives Media Council’s statistics on media complaints from 2023 to August 2024 offer a detailed overview of issues reported by the public, government offices, and media professionals.
Poster link: https://t.co/LAap9cb9YS pic.twitter.com/KpQALiR6Yf— Maldives Media Council (@mmc_mv) August 28, 2024
މީޑިއާ ކައުންސިލްގެ ތަފާސް ހިސާބުތަކުގައި ބުނެފައިވާ ގޮތުގައި މި ޝަކުވާތަކުގެ ތެރެއިން %94 ޝަކުވާ ހުށަހަޅާފައިވަނީ ރައީސް އޮފީހުންނެވެ. އެހެނިހެން ފަރާތްތަކުން ހުށަހަޅާފައިވަނީ %6 ޝަކުވާއެވެ.
ސަރުކާރާ ދެކޮޅަށް ޚަބަރު ގެނެސްދީގެން މީގެކުރިން 2 އޮންލައިންއެއް ސަރުކާރުގެ ކަމާއިގުޅޭ އިދާރާތަކުން ބްލޮކްވެސް ކޮށްފައި ވެއެވެ. އެހެންނަމަވެސް މީޑިއާތަކުގެ ޕްރެޝަރަށް ފަހުން ވަނީ އެ އޮންލައިންތައް އަންބުލޮކް ކޮށްފައެވެ.
