ސަރުކާރު ވުޖޫދަށް އައިތާ 9 މަސް ފާއިތުވެގެން ދިޔައިރު، ޤައުމުގެ އިޤްތިޞާދީ ހާލަތު ދަށަށް ދިއުމާއެކު ރައްޔިތުންގެ ދިރިއުޅުމަށް ނޭދެވޭ އަސަރުތަކެއް ކުރަމުންދާކަމަށް ޓްރާންސްޕޯޓު މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި މޯލްޑިވްސް ޓްރޭޑް އެސޯސިއޭޝަން (އެމްޓީއޭ)ގެ ޗެއަރޕާސަން ސައުދުﷲ އަހުމަދު ވިދާޅުވެއްޖެއެވެ.
ސައުދު މިއަދު ކުރެއްވި އެކްސް ޕޯސްޓެއްގައި ވިދާޅުވީ، ޑޮލަރުގެ އަގު 18 ރުފިޔާއަށް އަރާފައިވުމާއެކު، އަސާސީ ބޭނުންތަކުގެ ތަކެތީގެ އަގުތައް އުފުލި، ވިޔަފާރިތަކަށް ބޮޑެތި ގެއްލުންތަކެއް ވަމުންދާ ކަމުގައެވެ. މި ހާލަތުގައި ކުދި އަދި މެދުފަންތީގެ ވިޔަފާރިތައް އެންމެ ބޮޑަށް އަސަރުކުރަމުންދާއިރު، ބައެއް ކަންމަތީ ފިހާރަތައް ބަންދުކުރަން ޖެހިފައިވާ ކަމަށްވެސް އޭނާ ވިދާޅުވެފައި ވެއެވެ.
ސަރުކާރައް 9މަސް ވެގެން ދިޔައިރު މިއިން ދުވަހަކު ގަައުމުގެ ރައްޔިތުން ހާލުނުޖެހޭ ޥަރައް ހާލު ޖެހިއްޖެ:ޑޮލަރ 18ރ މަތިމެ ތަކެތީގެ އަގު އުފުލިއްޖެ.ވިޔަފާރިވެރީން ބިކަވެ ނިކަމެތީން އިތުރައް ނިކަމެތިވެއްޖެ.ކަންމަތީ ފިހާރަތައް ބަންދުކުރާ ޙިސާބައް ގައުމެ މިދިޔައީ މެނޭޖްކުރަން ނޭގިގެން.
— Saudulla Ahmed (@saudullaahmed1) August 21, 2024
ސައުދު އިތުރަށް ވިދާޅުވެފައިވަނީ، ގައުމުގެ އިގްތިސާދު މިހާލަތަށް ދިޔައީ މެނޭޖުކުރަން ނޭގިގެން ކަމަށާއި، ރާއްޖޭގައި ނިމެތީން އިތުރަށް ނިކަމެތިވެ، ވިޔަފާރަވެރީންދަނީ އިތުރަށް ބިކަވަމުން ކަމުގައެވެ.
ރާއްޖޭގައި ޑޮލަރުގެ ތާށިކަން އިންތިހާއަށް އިތުރުވެ، ކަޅު ބާޒާރުގައި ޑޮލަރުގެ އަގުވަނީ 18 ރުފިޔާއަށްވުރެ މަތިވެގެން ގޮސްފައެވެ. އަދި ދުވަހެއް ދުވަހަކަށް ތަކެތީގެ އަގުއުފުލި، ގައުމުގެ އިގްތިސާދީ ހާލަތު ފަހަކަށް އައިސް ވަނީ ގޯސްވެގެން ގޮސްފައެވެ.
އެހެންނަމަވެސް ސަރުކާރުން ބުނެފައިވަނީ، ކުރިޔަށް ރޭވިފައިހުރި ބަންކަރިންގެ ޚިދުމަތްތަކާއި ޑިވެލޮޕްމަންޓް ބޭންކުގެ މަސައްކަތް ފެށިގެން ދިއުމުން ޑޮލަރުގެ އަގަށް ހެޔޮ ބަދަލުއައިސް، އިގްތިސާދީ ހާލަތު ރަގަޅުވަމުންދާނެ ކަމުގައެވެ.
