ބާ ކައުންސިލުން، 40,500 ރުފިޔާގެ މުސާރައަކާއެކު ސެކްރެޓަރީ ޖެނެރަލްގެ މަޤާމަށް އަލުން އިޢުލާނުކޮށްފައެވެ. މި މަހުގެ 5 ވަނަ ދުވަހު ކުރި ފުރަތަމަ އިޢުލާނަށް އެކަށީގެންވާ ތަރުޙީބެއް ނުލިބުމާ ގުޅިގެން، މި މަޤާމަށް އަލުން ކުރިމަތިލުމުގެ ފުރުޞަތު ހުޅުވާލާފައިވެއެވެ.
މި މަޤާމަކީ އެއް އަހަރު ދުވަހުގެ މުއްދަތަށް ކަނޑައަޅާފައިވާ މަޤާމެކެވެ. މުސާރައިގެ އިތުރުން، މަސައްކަތާ ގުޅޭ އެލަވަންސްތަކާއި، ރޯދަ މަހުގެ އެލަވަންސް، އަދި ޕެންޝަން ގާނޫނުގެ ދަށުން ލިބިދޭ ޕެންޝަން ކޮންޓްރިބިއުޝަން ލިބޭނެ ކަމަށް އިޢުލާނުގައި ބަޔާންކޮށްފައިވެއެވެ.
މަޤާމުގެ ޝަރުޠުތަކުގެ ތެރޭގައި ހިމެނެނީ:
1. ޤާނޫނީ ދާއިރާއިން ފުރަތަމަ ޑިގްރީ ހާސިލުކޮށްފައިވުމާއެކު، ޤާނޫނީ ވަކީލެއްގެ ގޮތުގައި 7 އަހަރުގެ ތަޖުރިބާ ލިބިފައިވުން
2. ނަޒާހަތްތެރިކަމާމެދު ސުވާލު އުފެދޭފަދަ މައްސަލައެއް ކޯޓަކަށް ނުވަތަ ބާ ކައުންސިލަށް ސާބިތުވެފައިނުވުން
3. ބަނގުރޫޓުވެފައި ނުވުމާއި ޖިނާއީ ކުށެއް ސާބިތުވެފައިނުވުން
މަޤާމުގެ މައިގަނޑު މަސްއޫލިއްޔަތުތަކުގެ ތެރޭގައި ހިމެނެނީ:
– ބާ ކައުންސިލުގެ އިދާރީ މަސްއޫލިއްޔަތުތައް އަދާކުރުން
– ދުވަހުން ދުވަހަށް ހިންގަންޖެހޭ ކަންތައްތައް ބެލެހެއްޓުން
– އެގްޒެކެޓިވް ކޮމިޓީގެ ބައްދަލުވުންތަކުގެ އިދާރީ ކަންކަން ބެލެހެއްޓުން
– އެގްޒެކެޓިވް ކޮމިޓީން ނިންމާ ނިންމުންތައް ތަންފީޛުކުރުން
މި މަޤާމަށް ޝައުޤުވެރިވާ ފަރާތްތަކަށް ކުރިމަތިލުމުގެ ފުރުޞަތު މިހާރު ވަނީ ހުޅުވާލާފައެވެ.
