މިއަދު ސަރުކާރު ބަންދުކުރުމާ ގުޅިގެން ރާއްޖޭގެ މައި ޞިއްޙީ މަރުކަޒުތަކުގެ ބައެއް ޚިދުމަތްތައް މެދުކެނޑޭނެ ކަމަށް އިންދިރާ ގާންދީ މެމޯރިއަލް ހޮސްޕިޓަލުން (އައިޖީއެމްއެޗް) އިޢުލާނުކޮށްފިއެވެ.

އައިޖީއެމްއެޗް، ދަރުމަވަންތަ ހޮސްޕިޓަލް އަދި ވިލިމާލެ ހޮސްޕިޓަލުގެ ސްޕެޝަލިސްޓް އޯޕީޑީތަކާއި އެހެނިހެން ކްލިނިކަލް ޚިދުމަތްތައް މިއަދު (އޮގަސްޓު 14) ބަންދުވާނެ ކަމަށް އިޢުލާނުގައި ބަޔާންކޮށްފައިވެއެވެ. ނަމަވެސް، މި ތިން ހޮސްޕިޓަލުގެ އައިޕީޑީ ޚިދުމަތްތަކާއި ކުއްލި ނުރައްކަލުގެ (އެމަޖެންސީ) ޚިދުމަތްތައް 24 ގަޑިއިރު މެދުނުކެނޑި ކުރިއަށްދާނެ ކަމަށްވެސް އެ އިޢުލާނުގައި ފާހަގަކޮށްފައިވެއެވެ.

މި ބަދަލުތައް ގެނެވިފައިވަނީ ރާއްޖެއަށް ކުރިމަތިވެފައިވާ ގަދަ ވިއްސާރައާ ގުޅިގެން، ރައީސް އޮފީހުން މިއަދު ސަރުކާރު ބަންދު ދުވަހެއްގެ ގޮތުގައި ކަނޑައެޅުމާ ގުޅިގެންނެވެ. މި ފިޔަވަޅުތަކުގެ މަޤްޞަދަކީ މޫސުމުގެ ނުރައްކާތެރި ހާލަތުގައި ރައްޔިތުންގެ ރައްކާތެރިކަން ކަށަވަރުކުރުމެވެ.