ހަނިމާދޫ އެއާޕޯޓްގައި މާރާމާރީ ހިންގި މީހެއްގެ ބަންދަށް 15 ދުވަސް ޖަހައިފިއެވެ.
ފުލުހުން ބުނެފައިވަނީ ފާއިތުވި ހުކުރު ދުވަހުގެރޭ ހަނިމާދޫ އެއާޕޯޓްގައި ހަތިޔާރު ބޭނުންކޮށްގެން، އެތަނުގެ ދެ މުވައްޒަފަހު މާރާމާރީ ހިންގާފައިވާ ކަމުގައެވެ. އެހެންނަމަވެސް މާރާމާރީ ހިންގުމަށް ބޭނުން ކޮށްފައިވަނީ ކޮންކަހަލަ ހަތިޔާރެއްކަމެއް ފުލުހުން ބުނެފައެއް ނުވެއެވެ.
ފުލުހުން ބުނީ މި މާރާމާރީއާއި ގުޅިގެން ހައްޔަރުކުރި މީހާގެ ބަންދާއި މެދު ގޮތެއް ނިންމުމަށް ކޯޓަށްް ހާޒިރުކުރުމުން 15 ދުވަހުގެ މުއްދަތެއް ޖަހާދީފައިވާކަމަށެވެ.
ބިދޭސީ ދެ މުވައްޒަފުން އެއާޕޯޓުގައި ހިންގި މި މާރާމާރީގައި އެކަކަށް އަނިޔާވެފައި ވެއެވެ. އޭނާއަށް ހަނިމާދޫ ހެލްތު ސެންޓަރުގައި ފަރުވާ ދިނުމަށްފަހު ވަނީ ދޫކޮށްލާފައެވެ.
ފުލުހުން ދަނީ މިމައްސަލަ ތަހުގީގު ކުރަމުންނެވެ.
ކޮމެންޓު ފޮނުވާ